الشاعر ثائر شله النجفي


4538 مستخدمًا

خادم لخدمة الحسين ع واتشرف بذالك
{links} {LinksTitle}
{/links}
زيارة اليوم : 0
زيارة الامس : 0
زيارة لمدة عام : 227
موشح للانصار اااااااااااااااااااااااااااااااااااااااااااااااا احنه انصارك يبو القلب الرحيم بساعة الشدات نكلبهه جحيم بعشكك وبالحرب يالغالي نهيم الموت عدنه بحبك احله من الشهد اااااااااااااااااااااااااااااااااااااااااااااااا ثورة الحب والشرف والمفخره صحوه من اول ومو متأخره نزرع الموت علئ تربان الثره وبسمك نردد يتاج المعتقد اااااااااااااااااااااااااااااااااااااااااااااااا البسنه حبك جالدرع فوك الهدم ويه دمنه مختلط هذا العزم بليلة الوحشه نصليلك لطم ونقره يحسين بضمايرنه ابد اااااااااااااااااااااااااااااااااااااااااااااااا مانعوفك بيك نقسم هالقسم مايهزنه الجيش ذوله احنه القمم الله جازانه بمحبتك بالنعم ونعمتك مامنهه بالدنيه انوجد اااااااااااااااااااااااااااااااااااااااااااااااا بيك متمسكين بالسر والعلن وصارت النه جفوفك اشبه بالوطن ابد مانندم لون عشنه بشجن عهد عاهدناك مانخلف عهد ااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم الطاهر
2019/09/01 17:31
موشح لحميده بنت مسلم اااااااااااااااااااااااااااااااااااااااااااااااا ياحميده بياوضع صرتي عكب والدج حسيتي بالهم والرعب الابو فراكه عليج شكد صعب واليفارگ والده يضل بنحيب اااااااااااااااااااااااااااااااااااااااااااااااا انتي جالورده وبقيتي بلايه ماي وذبلت اوراقج وماضل بعد رأي صحتي دلالي انكسر وأنه بصباي ومايطيب الجرح للفارك حبيب اااااااااااااااااااااااااااااااااااااااااااااااا راح ابويه بلا وداع ومايرد وعني ذاك الوجه اصبح يبتعد وبدت تذبل بعده أوراق الورد وبوسط دلالهه يشب اللهيب اااااااااااااااااااااااااااااااااااااااااااااااا خلاف عينك من دمه المدمع يهل وانكطع بيناتنه حبل الوصل البعد قاسي وابد ماينحمل بحيث حتى القلب من عنده يشيب اااااااااااااااااااااااااااااااااااااااااااااااا بويه بعدك موتي ياريته دنه وعمري بي ماتمر لحظات الهنه بدونك اللحظه صفت مثل السنه وجرح بعدك يدي ابدآ مايطيب اااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم الطاهر
2019/08/30 00:18
موشح ابو البنين ع اااااااااااااااااااااااااااااااااااااااااااااااا بشر ابن حذلم نعه وكلبه جريح يااهل يثرب بده صوته يصيح حسين هذا اليوم برض الطف ذبيح واخوته عله الارض منه الدم يسيل اااااااااااااااااااااااااااااااااااااااااااااااا طلعت عله الصوت هاي ام البنين يمه وصلت والكلب ينزف حنين يابشر خبرني عن حال الحسين كلهه يم عباس عباسج جتيل اااااااااااااااااااااااااااااااااااااااااااااااا لنهه كلتله يناعي احجي شجره أخبرني عن حسين روحي موجره كلهه جعفر عون كطعوه منحره تكله عن حسين كلي و لاتطيل اااااااااااااااااااااااااااااااااااااااااااااااا كلهه ياام البنين الطاهره جثته فوك الصعيد موذره والشمر من الكفه حد منحره وسهم المثلث نبت وسط الدليل اااااااااااااااااااااااااااااااااااااااااااااااا صاحت أم عباس وين أم الخدر بيا وضع تصبح على هذا الأمر يمهه صاحت عظم الله الأجر الج بغياب ابو السجاد الطويل اااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم
2019/08/28 21:36
موشح الحسن ع اااااااااااااااااااااااااااااااااااااااااااااااا يالحسن چم جرح بعدك يالحسن جرح فركاك وجرح جور الزمن ريت بعد اعيونك اعيوني انعمن ولاشوفن جبدك بطشت انوجد اااااااااااااااااااااااااااااااااااااااااااااااا انت اخوي الجنت ذخري وهيبتي وبچفوفك جنت تمسح دمعتي من رحت ضاكت عليه دنيتي وصرت مهمومه الحزن بيه كعد اااااااااااااااااااااااااااااااااااااااااااااااا يالحسن زينب انه صرت بحزن واكضي كل الليل بغيابك اون الشوفتك كلبي يرف دوم ويحن وماشفت راحه لمن شخصك بعد اااااااااااااااااااااااااااااااااااااااااااااااا راحت امي ووالدي عني رحل وانت مني أخذ روحك هالاجل الماحسبت احسابه ياخويه حصل وراح اضل حزنانه عمري للأبد اااااااااااااااااااااااااااااااااااااااااااااااا وباچر الطف مني يأخذ اخوتي وتصبح بيا وضع خويه حالتي واليسر للشام تصبح وجهتي ومن الكوفه انروح نمشي بلاسند اااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم الطاهر
2019/08/28 21:35
موشح العليله اااااااااااااااااااااااااااااااااااااااااااااااا انه بنت حسين وزغيرة عمر والگلب معلول من كثر الهجر راح ابوي وعافلي الهم والصبر وانه مااحمل هجر گلبي حنين اااااااااااااااااااااااااااااااااااااااااااااااا صرت مهضومه وحزينه من البعد وگلبي ينحب لون عني يبتعد نذر لو يرجع اطش دربه ورد وترد عافيتي وبعد ميضل ونين اااااااااااااااااااااااااااااااااااااااااااااااا الهجر ما ينحمل يذبح ذبح وبالعروگ ايخلف اكثر من جرح الليل ياخذ مني انوار الصبح والعيون بلا نظر حالي الحزين اااااااااااااااااااااااااااااااااااااااااااااااا البعد جتال أشد من السهم وكلبي هالمكسور منه ماسلم الهجر يعنيلي مكمن للالم وراح اضل معلعله طول السنين ااااااااااااااااااااااااااااااااااااااااااااااا بويه ريتك حاضر تشوف الكلب اعليك ليل نهار اصبح ينتحب والعيون الشابحه الطول الدرب من البجي ابيضت يبن طه الأمين اااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم الطاهر
2019/08/28 21:35
موشح الهلال اااااااااااااااااااااااااااااااااااااااااااااااا حين شاف اهلال عاشور الگلب بداخل اعروگه بده ايدب الرعب وطلعته معناهه مرسومه الحرب حرب مابين النحور ويه السيوف ااااااااااااااااااااااااااااااااااااااااااااااا من ظهر بالسمه حسيت الجرح يدعي كون الله فلا يطلع صبح چم اخو الگدامي بالطف ينذبح وراح دهري وياي يقسي بالطفوف اااااااااااااااااااااااااااااااااااااااااااااااا راح ياخذ مني اخوتي اهل الشيم راح يترس ناظري منظر الدم راح يوگع منذبح راعي العلم والگمر ينصاب ويمره الخسوف اااااااااااااااااااااااااااااااااااااااااااااااا راح اشوف ايام مامرت بشر راح اشوف بعيني اشكال الصور راح اصيرن ام وابو خلاف الگمر وراح تقسي وياي بالطف الظروف اااااااااااااااااااااااااااااااااااااااااااااااا ياهلال شلون وجهك لو وصل بشوفتك كل أمل عندي مايضل وگلبي راح ايصير ملچا للاهل وبالسهام تگوم تشگف هالچفوف اااااااااااااااااااااااااااااااااااااااااااااااا حسين من تطلع يكطعوله النحر يفطر اشفافه العطش والدنيه حر ريت هالموقف فلا أملك نظر ريت عميه اعيوني ريت ومااشوف اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/08/28 21:34
كامله اقرو الفاتحه اقرو الفاتحه الأول جرح بالطف جرح ينزف كرامه ويشبه المصحف لمن دمه ضل يجري رتل سورة النحري جرح ينزف كرامه ويشبه المصحف اااااااااااااااااااااااااااااااااااااااااااااااا هذا الجرح لا مو جرح هذا انسان يملك عقيده راسخه ويه الوجدان يعرف أصول الدين والحك تاليه يخليك فوك القمم مرفوع الشأن مايحــتاج تـعـريف الذي مـعرف بالتاريخ وأكبر اســـمه يتـوصف يشبه للهوى العذري رتل سورة النحري جرح ينزف كرامه ويشبه المصحف اااااااااااااااااااااااااااااااااااااااااااااااا هذا الجـرح يملك مـشاعر ترفه عنكم مــشـاعر هالجرح ماتخفه عن الحسين بشرف دافع للموت قدم حياته وشـبگ نحـره بلهفه شبگ نحر الحسين ومدمعه اذرف كون الموت اليه يااجل واشرف حبيب وعايش بصدري رتـل ســــورة النحري جرح ينزف كرامه ويشبه المصحف اااااااااااااااااااااااااااااااااااااااااااااااا مو كل جرح ينزف دمه يتمجد يضحي كون اشما الموقف يشتد وشما عزيزه الروح ينطيهه الروح ايـقدمـهه قـربان وفلا يـتــــردد كون الروح من ينطيهه يتشرف والأعـــمال بالنـــيات تــتوصف بالنيه العمل يدري رتل سورة النحري جرح ينزف كرامه ويشبه المصحف اااااااااااااااااااااااااااااااااااااااااااااااا هالجرح صح يموت لو ينزف دوم عن هالأمر مانختلف شي معلوم بس مايموت النزف من أجل الدين يمتد على طول الزمن ذكره يدوم شبه جنح الفراشه هالجرح واترف يضل اشـما وياه الدهر ماانصف باقي رغم عالدهري رتل سورة النحري جرح ينزف كرامه ويشبه المصحف اااااااااااااااااااااااااااااااااااااااااااااااا هالجرح من گبل الدمه يصب إحساس جالبشـر يلفظ بالله بآخر انفاس يستحق مو بس فاتحه نقره اعليه نقراله بـعد الفاتحه عله العباس هذا الجرح اصبح علم بالحب رف بحر جود وكرم هيهات مايشف بحر الميمر الشعري رتل سورة النحري جرح ينزف كرامه ويشبه المصحف اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/08/27 23:59
انطيني ايدك خل نروح اثنينه انداوي الجروح انت بيدك داوي ضلعي المنكسر وأنه اداوي الك خسفات الصدر اااااااااااااااااااااااااااااااااااااااااااااا انه امـــــك فاطمه يكبر جـــرح بهدوه الليل اعتنيتك مو صـــبح شـــفتك عله الگاع يبني منطرح صدرك المخسوف منه الدم يســـح والسهم شفته بوضوح مگطع الگلب السموح وهذا وضعك كسر دلالي كسر وانه ادواي الك خسفات الصدر اااااااااااااااااااااااااااااااااااااااااااااا اجيت اداوي اجروحك بهذا الوكت اجيت انشف دمك الشفته يــكت موقفك يجرح احســـاسي تعذبت وبالضـــلع هاج الوجــــع وتالمت ضلعي هاج وگمت انوح مدري اضمدك مدري اروح اندعيت الباري يلهمني الصبر وانه اداوي الك خسفات الصدر اااااااااااااااااااااااااااااااااااااااااااااا ردت اداويك وشفت وضعك كــلـــف وماخذك يوليدي من عندي النـــزف صعب حالك يصعب اعليه الوصف بدت تهوه گبالك احروف العطف الحالتك لمن تشوف يمك اتطيح الحروف ماگدر عنك يسولف اي شطر وانه اداوي الك خسفات الصدر اااااااااااااااااااااااااااااااااااااااااااااا ردتك اتداويلي ضلعي المنكسر لاچن بياوضع اصبح هالامر والخيول امأذياتك والشمر گطع نحرك هنه داسن عالصدر يبني مرضوضه الضلوع من الألم شفتك تلوع ريت ذابح نحري كبلك هالشمر وأنه اداوي الك خسفات الصدر اااااااااااااااااااااااااااااااااااااااااااااا يمه تدري الجرح لا ماينحمل ويضل ينزف والصعب أن يندمل ومو سهل وضعك ابد لا مو سهل يبني كل اكتارك الدم ضل يهل جروحك تصب كل مكان وكلبي ماحس بالأمان لمن جسمك شفته اصبح يحتضر وأنه اداوي الك خسفات الصدر اااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم الطاهر
2019/08/24 12:45
يا الله
2019/08/24 12:32
محرم ينتظر جيتك (( مــحـرم ينــتظر جــيـــتك يمـعود )) (( يتمــنـه يشـــوفـــك كــون رادود )) وكون المســـــتهل عن الصواوين وتقراهه القصــيده بصحن الحسين ااااااااااااااااااااااااااااااااااااااااااااااااااااااااااا يابو صالح ســيدي وشبل الصميده ينتظر جـــــيتـك مــحرم واليريده اتصــير رادود وتأديهه القـــصـيده بصحن الحــسين الذي گطعو وريده (( كون المـســتهل عــن حرگ الخـيام )) (( والتــســـليـم عــن الالام الايــتام )) وكـون البيــــت الاول عالدواوين وتقراهه القصـيده بصحن الحسين ااااااااااااااااااااااااااااااااااااااااااااااااااااااااا يمته ذاك اليوم بي ياســــيدي تعود بصحن ابو السجاد توگف كل الحشود ونوگف بذاك العــزه بهدومنه السود ولن تطب بيدك قصـايد وانــت رادود (( تـصــــعد مـنبره وتهــتف صلوات )) (( تصـيـح الشــمر مات حسين مامات )) فاز الي يــــتبـعه وحـظه الدارين وتقراهه القصـيده بصحن الحسين اااااااااااااااااااااااااااااااااااااااااااااااااااااااااا يابو صــالح مــحـــله صوتك يااملنه للگلب گــبل الاذن صــوتـــك دخلنه شــايل احســاس شكثر شايل محنه يـمــتلك نـبـرة حـزن تـشـرح المنه (( صـــوتــك ســـــيدي بوتاره اهات )) (( مــن تـــطلع تــبــين كـل معانات )) وعن الطف يســولف مدمع العين وتقراهه القصـيده بصحن الحسين اااااااااااااااااااااااااااااااااااااااااااااااااااااااااا امـــنيه عندي بقت صـرت انتظرهه هالقصــيده كون من عندي شعرهه ذاكر اســم حسين من اول سطرهه وللاســف مگطوع بمصــابه نحرهه (( عذرآ مــنگطع نــحر القــصــــيده )) (( وبــيهه المـســـــتهل ينزف وريده )) بحــر الرمل مـن دم نزف صوبين وتقراهه القصـيده بصحن الحسين اااااااااااااااااااااااااااااااااااااااااااااااااااااااااا يابو صــالح يانـــبض عاش بدليلي يابو صــــالح ياگمر يضويلي ليلي اندعيـــلك ترجــــع وهم اندعيلي كون اصـــــير وياك ناصر ياخليلي (( ماعـــوفـك ابـد يانـــور العـــيون )) (( وماعــيشــن علئ ضـغط اليلومون )) اعيـــــش وياك رغمآ عالمبغضين وتقراهه القصـيده بصحن الحسين اااااااااااااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم
2019/08/23 16:14
السلام عليكم جميعا احتاج دعواتكم لوالدتي الله يحفظكم
2019/08/09 17:30
اليوم عاشر خويه يحسين بنار وجـــوهه الصواوين وأنه وحدي بهالوضع ردت اطفيهه بدمـــع ومايكفي مدمع العين بنار وجوهه الصواوين اااااااااااااااااااااااااااااااااااااااااااااااا اليوم عاشر ياخو زينب شحجي عن احوالي النار مو بخيامي وجت وجت بدلالي وانه اصد بعيون صبري ياحليف امالي بچثتك طبع الحوافر راسك اليبرالي الخيل لعبت بيهه صوبين وعالرمح راسك يالحنين عالرمح ضل مرتفع ردت اطفيهه بدمـع ومايكفي مدمع العين بناو وجوهه الصواووين اااااااااااااااااااااااااااااااااااااااااااااااا ابتدي بياهم وسولف گلبي تجري اجراحه مثل طير الحضره اصبح بس كسير اجناحه والحزن وي دمي يسري ميحتاج ايضاحه عالمهد مكتوب زينب ماتعيش براحه عالمهدمكتوبه جلمات تعيش زينب بالمعانات والبدايه من الضلع ردت اطفيهه بدمع ومايكفي مدمع العين بنار وجوهه الصواوين اااااااااااااااااااااااااااااااااااااااااااااااا خويه لمن شفت وضعك جرح كل احساسي والألم هد حيلي أكثر من شفت عباسي بعيني هاي الوسعه ضاكت ياشريك أنفاسي من شفتكم كلبي شيب مو الشيب راسي حيلي طاح وماالي معين اصد المن يالحبيبين والبجي ماينكطع ردت اطفيهه بدمع ومايكفي مدمع العين بنار وجوهه الصواوين ااااااااااااااااااااااااااااااااااااااااااااااا خويه جسمك عله الرمضه والشمس لهابه والأشد أهل الرذيلة سلبو جلبابه مو بشر يالغالي ذوله جن وحوش بغابه محبسك ماخلص منهم ظالمه وسلابه اصبعك كطعوه ملاعين رحمه ماعدهم ولادين هالفعل كلش بشع ردت اطفيهه بدمع ومايكفي مدمع العين بنار وجوهه الصواوين ااااااااااااااااااااااااااااااااااااااااااااااا صعبه عل تبقه وحيده و عالارض خوانهه هالوضع يجرح مشاعر والحزن عنوانهه لاجن أم الخدر زينب ماجزع إيمانهه واقتدت بالله ورسوله ورتلت قرأنهه بكل شغف رتلت ياسين ولله رفعت هاي الايدين سيدي ورب السبع ردت اطفيهه بدمع ومايكفي مدمع العين بنار وجوهه الصواوين ااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم
2019/08/08 23:51
صلاة الفرگه اصلي لو صلاة الليل وصلاة الفرگة تتطلب وجود الحيل وانه عالنهر حيلي طاح ومانمت ليلي ااااااااااااااااااااااااااااااااااااااااااااااا صلاة الفرگة لو قررت اصليهه اتوضه بدموعي النزف جاريهه بياحاله القيام ومنهدم هالحيل جلوس بهالوضع ياخويه ااديهه وايات الهجر اقراهه بالترتيل وبسمك من اصيح اسمع حوافر خيل اسمع حافر الخيلي طاح ومانمت ليلي اااااااااااااااااااااااااااااااااااااااااااااااا صوت اضلوعك اسمع تنكسر يحسين وصوت سهام تسرع والمثلث وين من البرق اسرع معتنيك ايريد يصوب گلبك البي منوجد هالدين ايصوب مچان الوحي والتنزيل ويصوب مچان الصور والترتيل عليك الليله ترتيلي طاح ومانمت ليلي اااااااااااااااااااااااااااااااااااااااااااااااا شلون الليل خويه بغيبتك اگضيه ونجوم السمه مخسوفه صارت بيه محتاره المن احچي هذا وضع الحال حالي بلايه حال الياشخص اشكيه انت بياوضع حتى اشكي وضع الحال راسك عالرمح والجسم صار اوصال والمفروض تشكيلي طاح ومانمت ليلي ااااااااااااااااااااااااااااااااااااااااااااااا صح الليل موحش بس ستر لينه من اعيون الاعادي القاسيه علينه اشد من السهام اعيونهم تنشاف واعيونك بقت بالطيبه تربينه سهام اعيونهم محدوده چالاشفار وامان اعيونك عله العيله من تندار عيونك امل تنطيلي طاح ومانمت ليلي اااااااااااااااااااااااااااااااااااااااااااااااا راسك عالرمح مافارگ القرأن يرتل بالگهف والنور والدخان وبايات الحفظ رتل بهذا الليل خاف يمر خطر بينه من العدوان خطرهم كل وكت ماعدهم الرحمه وارحم من گلبهم صارت الظلمه صفت بالستر تدعيلي طاح ومانمت ليلي اااااااااااااااااااااااااااااااااااااااااااااااا خادمكم ثائر شله واسالكم الدعاء لي ولوالديه
2019/08/07 23:53
موادع الخوان يذبح بالكلب والهجر محد يحمله شكد صعب راح اودعك يالحسن واكضي بعدك عمري ون والهجر محد يحمله شكد صعب اااااااااااااااااااااااااااااااااااااااااااااااا موادع الخوان خويه من يحل نحس حتئ الكلب دمعاته تهل خويه هاي اللحظه لا ماتنحمل سيف هجرك رمح بيه ينشجل سيف هجرك ينزل الحد الغمك بحيث بآخر نقطه حسيته يدك والضلوع اتالمن واكضي بعدك عمري ون اااااااااااااااااااااااااااااااااااااااااااااااا الي يفكد اخو يبقه بلا ظهر يصير مثل الشجره بس مابي ثمر توكع اوراقه ويضل بس بالنظر يدير عينه ويبقى يتنفس قهر منين ميدير الوجه ينظر جرح ينزف دموم الذي كلبه سمح من البجي اعيونه انعمن واكضي بعدك عمري ون اااااااااااااااااااااااااااااااااااااااااااااااا خويه يالمهيوب تدري الفركه موت والهجر تفسيره يخنك بالسكوت وكلبي اوتاره نسيج العنكبوت يكطع اوتاره الهجر لمن يفوت الهجر جالخنجر بكلبي انغرس رحمه ماعنده كطع رأس النفس والاوتار اتكطعن واكضي بعدك عمري ون اااااااااااااااااااااااااااااااااااااااااااااااا علمتني ادروس ياخويه اشكثر علمتني الكرم والحب والصبر صرت تلميذك باسمك افتخر بس فلا علمت كلبي عله الهجر كلبي علمته يخويه عله الوصال وانت تعلم بالهجر يهدم جبال شوفتك تعني الوطن واكضي بعدك عمري ون اااااااااااااااااااااااااااااااااااااااااااااااا من اصيحن اخ معناهه عليك لمن شي يوجعني اصرخ وانتخيك ابد ماابيعك بعمري مشتريك ياحزام الظهر والروحي شريك اخ اصيحن لمن يهيج الوجع ويمي اشوفك تسند بحيلي الوكع ياسند وكت المحن واكضي بعدك عمري ون اااااااااااااااااااااااااااااااااااااااااااااااا خادمكم ثائر شله النجفي وأسألكم الدعاء لي ولوالديه ا
2019/08/06 23:36
يابشر عيش بحلال الموت مقبل لامحال حتئ لو تحت بروج مشيده يدركك الموت وعليك يمد يده الموت مقبل لامحال اااااااااااااااااااااااااااااااااااااااااااا يبن ادم اصفن وشوف اليصير يموت حتمآ حتى لو عايش امير الغايه مو ميموت ويعيش الفقير الكل تموت زغير چان وان چبير عمرك اشما شفته طال لابد يمره الزوال والمقابر عن كلامي شاهده يدركك الموت وعليك يمد يده اااااااااااااااااااااااااااااااااااااااااااااا الموت خط علينه كقلادة فتاة ثابته عله الجيد تنزف امنيات نموت كلنه وتبقه بس الذكريات ويضل بس وجه الله رب هاي الحياة الموت يوصل مو خيال وبعــد ماينفعنه مال لاجمال وعمرك اســــتوه ابتده يدركك الموت وعليك ايمد يده اااااااااااااااااااااااااااااااااااااااااااااااا العزه ذيچ اتروح والعيش الجميل والركض عالدنيه ولسان الطويل المحترم مايضل لايبقه الذليل واجب ابن ادم يمربيه الرحيل شمايكون الحال حال تالي نخضع للرمال وماتمر اعلينه گطرات النده يدركك الموت وعليك يمد يده اااااااااااااااااااااااااااااااااااااااااااااااا فكر باخرتك وذاك الگبر والحساب اهناك مايقبل عذر امسح الذاكره وابدي من الصفر وابرز انسانيتك اباقي العمر ابدي ويه ربنه الوصال وحقق بحبه المنال ربنه اقرب الك من الاورده يدركك الموت وعليك يمد يده اااااااااااااااااااااااااااااااااااااااااااااا الحرام بلايه شك طبع الحرام مايدوم الواحد ولاعمره دام لو كثر ينگلب ياناس انتقام نصير احنه الهدف يرمينه بسهام منه لا مانستفاد ونخسر بيوم الوعاد وفقط اعمالك البيهه الفايده يدركك الموت وعليك ايمد يده اااااااااااااااااااااااااااااااااااااااااااااا خادمكم ثائر شِله النجفي واسالكم الدعاء لي ولوالديه
2019/08/06 00:03
شما تمطرين شما تمطرين والله ماينغفر ذنبج شماتمطرين وين جنتي من عطش والد رقيه مامطرتي وفوك ثغره درتي ميه اااااااااااااااااااااااااااااااااااااااااااااااا ها يدنيه وبـــعد مايـــنفع مطر جان عطشان ارتوه بـدم النحر جان محتاج الحسين الكطره ماي مــامطرتي بوكت عطشان الثغر جان الحسين من العطش دلاله يابس جان الحسين تجوي نيران العطش شبل الزجيه مامطرتي وفوك ثغره درتي ميه اااااااااااااااااااااااااااااااااااااااااااااااا انتي ذنبج يكسر ظهور اشكثر والأشد مــــن شافته أم الخدر انتي هم شاركتي ضدهم بالطفوف انتي دورج جان اشــبه بالشمر نفس الأدوار بالعطش والسيف خضتو نفس الأدوار والمــصــــب واحـد يأدي للمنيه مامــطرتي وفوك ثـغره درتي ميه اااااااااااااااااااااااااااااااااااااااااااااااا ها يدنيه وچــان مـاعنده معين والشـــمر وأتباعه كل مــتحشدين ســـيوف ورماح ونبال بكربلاء والأشــد سهمج كطع ثغر الحسين سهمج الجان مثل فعلت ابن جوشن سهمج الجان بالعطش والسيف حققتو الرزيه مامطرتي وفوك ثغره درتي ميه اااااااااااااااااااااااااااااااااااااااااااااااا العطش ماينحـمل وامره صعب واليكطعه عله البشر حاقد قلب مجانه وسط النار لاشك واكيد ومايـــنفعه العذر لجهنهم يطب واليعطشون يندعون عله اليكطعه واليعطشون الي يعطش يرفع الربه القضيه مامطرتي وفوك ثغره درتي ميه اااااااااااااااااااااااااااااااااااااااااااااااا ها يدنيه وجم گلب نار اشتعل وهذا مايج كون يوم الطف نزل جان حصلتي أجر وشگد ثواب وجــان كل هذا الورد لا ما ذبل كل الورود زغار ذبلهه غيابج كل الورود جم طفل ذبلت اشفافه بهالمسيه مامطرتي وفوك ثغره درتي ميه اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/08/03 23:54
اصغر جرح بالطف يعبد الله كلما نزف ناديتك اسم الله ترف يالوجهك ملاك هالسهم متعني اجاك ااااااااااااااااااااااااااااااااااااااااااااااا ياملاكي ووجهك اشــبه بالگمر ياترف ياجـــنح فراشــه انكسر جرحي الزغير انت بس كلش كبر من شفت هالسهم بالــنحر استقر تعناك يوليدي وسكن نحرك بطولك قياسه وچالورد عمرك اسرع من البرق اعتناك هالسهم متعني اجاك اااااااااااااااااااااااااااااااااااااااااااااااا چنت اناغيك وتناغيني شـــكثر دللول الولـــــد يالردتـك ذخــــر الليل اذا مر وجهك يصير الفجر يانـــبع ريــحان يااجـّــمل عطر سهرت الليالي ارباك يوليدي تكبر گبالي منيتي وعيدي اتعبت يوليدي برباك هالسهم متعني اجاك اااااااااااااااااااااااااااااااااااااااااااااااا الم لو مسك يبو الوجه السمح ليلي مانامه واضل حد الصبح گلب ام بياوضع مــــن ينجرح ترف وبســــچين هجرك ينذبح صعبه البعد يوليدي يذبحني ويبقه الصبر جرعات يمنحني الصبر ميفيد بجفاك هالسهم متعني اجاك اااااااااااااااااااااااااااااااااااااااااااااااا تره الام بالدنـيه سـلوتهه الولد المــوت افضل الهه لو عنهه ابتعد ومايعـوض اغيابه لو غيره انوجد يــوزع الدم هالابن مــثل الكبـد وسط العروگ اصوات تتعاله يوزع الدم لعروگي اعماله گلبي لتصدگ نساك هالسهم متعني اجاك اااااااااااااااااااااااااااااااااااااااااااااااا اه يـوليــدي البـعـد حـز رگبتي ســيف صـار ولا ميرحم حالتي حــالف يبـچـيني لحـظه كبرتي وانه حرمه بطرگ صبري ودمعتي حرمه وحــزينه الدهر المني ومني اخذ نبض الگلب ابني وياي يادهري شجاك هالسهم متعني اجاك اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/08/01 23:55
لاتغرك كاميرا وموكب چبير الزهره تنظرلك لونك بلاخير بالك اتـــدور مــباشــر المهدي ميسجلك حاضر حتلو گاعد بصف طفل وزغير الزهره تنظرلك لونك بالاخير اااااااااااااااااااااااااااااااااااااااااااااااا راح اسولف مختصر كلش مفيد لاتغرك كامـيرا ومـوكب عتيد فكر اباعمالك بـيـوم الوعـــيد غير مرضا الزهره كلشي مايفيد غير مرضه الزهره ماينفع عمل خلي گلبك يحصد دروب الامل دون اســمــك بالدفاتر المهدي ميسجلك حاضر حتلو گاعد بصف طفل وزغير الزهره تنظرلك لونك بالاخير اااااااااااااااااااااااااااااااااااااااااااااااا لاتفكر عـــــن وجود الكاميره تگول هالمجلس منو الي صوره دور عله حـسـين واوجد منحره وعن چفوف الگمر سبع الگنطره دور عله حسين والطفل الرضيع وشـاهد بعـيناك موقفهم فجيع وصـير الهم انت ناصر المهدي ميسجلك حاضر حتلو گاعد بصف طفل وزغير الزهره تنظرك لونك بالاخير اااااااااااااااااااااااااااااااااااااااااااااااا هالمـجـالس تعـني قـــربان الاله والتواضع بيهه اصـبح احله جاه واسطتنه حسين من نطلب رضاه هوه بيـت الرحمه ومحيي نباه واسطتنه حسين لو ردنه الخلود ونرتجي المغفره في يوم الحشود لو يحـل الحـشـر باچر المهدي ميسجلك حاضر حتلو گاعد بصف طفل وزغير الزهره تنظرلك لونك بالاخير اااااااااااااااااااااااااااااااااااااااااااااااا لاتفكر بالشــخص منهو الدعاك فكر بأم الحـــــسن تنظر وراك صوتك ولطمك وشعرك وي بچاك بگلب صافي النيه تاخذ مبتغاك خاف يوم الحشر تشدد الضروف حسين يتعنه ويمد ليك الچفوف لو چنت بالحشـر حاير المهدي ميسجلك حاضر حتلو گاعد بصف طفل وزغير الزهره تنظرلك لونك بالاخير اااااااااااااااااااااااااااااااااااااااااااااااا انتو خدام الحسين وهيبه زغير بيكم والشباب وشيبه بيكم يلوذ الشرف والطيبه والتواضع بيكم بلا ريبه والنعم خدام يارفعة الراس بالحشر يزگيكم بمايه عباس تاج انتو عله المنابر المهدي ميسجلك حاضر حتلو گاعد بصف طفل وزغير الزهره تنظرلك لونك بالاخير اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/31 23:51
لافـتـئ الا علي ومن بعده عباس اسيوفهم وسط الحرب تاخذ بالانفاس بالحـــــرب مـنشوفهم انشوف بس اسيوفهم تاخذ بالانفاس اااااااااااااااااااااااااااااااااااااااااااااااا قائد الثوره المجيده حيدره دومه متقدم ومارد ليوره بحيث بعض الگوم ياخذهه الذهول هوه ملك الموت اي تتصوره مو علي هذا ابد ماتدخل الراس حامل اوصاف الاسد حل بيهه وسواس اتلعثمو من خوفهم انشوف بس سيوفهم تاخذ الانفاس اااااااااااااااااااااااااااااااااااااااااااااااا واثق الخطوه لمن يمشي الگمر يلهج بأسم الله ويرتل صور الواقعه متفارگ لسانه ونشوف لجيش تحت جدامه وتشوفه عبر اعليهه يسحگ بالجدم ونشوف الاحساس يبقه هوه والعلم والسيف والطاس جثث صرعه يعوفهم انشوف بس سيوفهم تاخذ بالانفاس اااااااااااااااااااااااااااااااااااااااااااااااا علي من يدخل حرب ماينوصف والقلم ماگدر يوصفله حرف شرد اوصفه بحيث من تصد عليه الگوم من الخوف ياخذهه الرجف اتگوم تتراجف مثل سعفه بوسط ريح وبحيف لو صدت اله من هيبته تطيح يتيهون حروفهم انشوف بس سيوفهم تاخذ بالانفاس اااااااااااااااااااااااااااااااااااااااااااااااا لـــو نــزل عباس يگلبهه گــلب اگلوب كل الگوم يدخلهه الرعب يعرفــون الگمر مايرحم اكيد وينتصر لو يدخل باصعب حرب عباس دومه منتصر في سوح الحراب بركان سيفه وينفجر نار اعله الرگاب سيل يمحي جروفهم انشوف بس سيوفهم تاخذ بالانفاس اااااااااااااااااااااااااااااااااااااااااااااااا علي والعباس ماالهم مثيل امنؤ باالله خالقته الجليل الدين عدهم مو لعق فوق اللسان عدهم الاسلام عايش بالدليل امنؤ بالله وحكمته وماخذلو الدين هامته قدمهه علي وعباس الايدين ونطو حتى چفوفهم انشوف بس سيوفهم تاخذ بالانفاس ااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/30 23:35
من الايمان معروفه النظافه والاخــلاق عـنوان الثقافه نضــف هالگلبَ زين واخلاقك من حسين وگلبك عنه ليكون انحرافه والاخـلاق عنوان الثقافه اااااااااااااااااااااااااااااااااااااااااااااا مِنْ الايمان النظافه المصطفئ گال هالحديث القدسي اصبح مضرب امثال الظاهري واضح يسولف عن الاحوال الباطني تفسيره كون الحقد ينزال تنظف كون گلبك من الاحقاد واذا نظفته رونق راد تزداد وذكرك يبقه كل حين واخلاقك من حسين وگلبك عنه ليكون انحرافه والاخلاق عنوان الثقافه ااااااااااااااااااااااااااااااااااااااااااااااا باچر من تموت ماواحد ينفعك بس سمعتك تبقه والگبرك تتبعك وبعد ماينفع ندم وتعض اصبعك اصفن وعدل بهاي الدنيه وضعك خُلقك كل وكت خيكون عالي نام براحه من تلفي الليالي براحة تسلهم العين واخلاقك من حسين وگلبك عنه ليكون انحرافه والاخلاق عنوان الثقافه اااااااااااااااااااااااااااااااااااااااااااااا الدنيه ماتسوه حقد لامو طويله چان يمنه وهسه جنازه تشيله والبعض بالرحمه لا ماتندعيله وهاي لبن ادم مصيبه واشد ليله وسط الگبر راح تكون صدمه وماواحد يگول الله يرحمه صعب يم النكيرين واخلاقك من حسين وگلبك عنه ليكون انحرافه والاخلاق عنوان الثقافه اااااااااااااااااااااااااااااااااااااااااااااااا خلي اخلاقك مثل خلق الائمه يدعي الله يسامح الشخص اليشتمه مو حقد گلبك تترسه ولاتعلمه عالكره والبغض گلبك ترسه رحمه گلبك ترسه رحمه ولاتترسه حقد چالخنجر بناسك تغرسه وحد من السچاچين واخلاقك من حسين وگلبك عنه ليكون انحرافه والاخلاق عنوان الثقافه اااااااااااااااااااااااااااااااااااااااااااااااا هالحقد أفه عميمه تشيب الراس تسيطر عله الگلب تترس كل الانفاس خلي نقضي اعليهه خلي نهدم الساس ونعفي عن الي اساء النه من الناس للي ساء لينه خل نسامح عاتب لچن موش بعتب جارح عتب مالت محبين واخلاقك من حسين وگلبك عنه ليكون انحرافه والاخلاق عنوان الثقافه اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/28 23:38
كامله مو عيب البشر مو عيب البشر لو خطأ مو عيب لتفضحه وانصحه بچلمة الطيب لتــحاول تـفــضـحه !!!! بكلام الطيب انصحه 👉👉 ااااااااااااااااااااااااااااااااااااااااااااااا عالم التعليم اساسه الاحترام بالاخلاق وبالتصرف والكلام والقواعد ثبتت بااجمل ضروف عله الطيب انبنت والحب والوئام مو قصة بعلمك تفتح ابواب ولا قصتي ابد مالازم اكتاب الامر لازم اوضحه بكلام الطيب انصحه ااااااااااااااااااااااااااااااااااااااااااااااا هالعلم بستان طلابه الورود والعطر ينتثر في حث الجهود شتمتلك افكار وشحافظ نصوص انته گطره ابحر ماتجزي الحدود گطرة بنص بحر لو لاحك الشيب لو اعظم شهايد بيدك تجيب حديث يطول شرحه بكلام الطيب انصحه ااااااااااااااااااااااااااااااااااااااااااااااا لو خطأ انسان مو عيب واكيد شخص متعلم يجي يرفده يريد جل من لايسهو معروف الحديث بالاخلاق يرفده اي هذا المفيد اخلاق العلم والمعرفه يجيب بلا استزغار لا مو امر تأديب احذر لاتجرحه بكلام الطيب انصحه اااااااااااااااااااااااااااااااااااااااااااااااا العلم صح نور مابيهه نقاش بس بلا اخلاق اشبه بجنح الفراش رقه بيه بس للاسف كلش ضعيف هالجنح متعرض الامر الهشاش بلايه اخلاق جنح العلم مكسور ويصبح چالجهل ماينحسب نور بچف ميصلي سبحه بكلام الطيب انصحه ااااااااااااااااااااااااااااااااااااااااااااااا عدنه بعض الناس فطحل بالعلم وصيته شايع مرتكز كلش مهم من الالف للياء حافظهه الدروس بدرس الاخلاق ابد لا مايفتهم تحت الصفر بعض بدرس الاخلاق لو صديتله شكله مينطاق ليل بلايه صبحه بكلام الطيب انصحه ااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/27 23:50
ساعدوهم ابد لتجرحون منهم الاحساس اكرموهم فقط ميملكون بس الانفاس اكرموهم ساعدوهم اكرموهم ساعدوهم اااااااااااااااااااااااااااااااااااااااااااااا هله هله بكل فقير وجايع عايش بهالدنيه لاچن ضايع هوه مامحتاج اليصدق عليه يريد اليعينه عله هذا الواقع انقذوهم الفقر اذاهم وبيهم داس اكرموهم فقط ميملكون بس الانفاس اكرموهم ساعدوهم اكرموهم ساعدوهم اااااااااااااااااااااااااااااااااااااااااااااا انفـــقو مــما رزقكم هاالاله والذي ينفق تره يحصل رضاه يعيش بالدنيه ملك كلش چبير ينول عز ومكرمه ويصبحله جاه تابعوهم خطوه خطوه هالالم ماينقاس اكرموهم فقط ميملكون بس الانفاس اكرموهم ساعدوهم اكرموهم ساعدوهم اااااااااااااااااااااااااااااااااااااااااااااا ساعدو بهالدنيه كل واحد فقير وهالعمل خلي ينفعك بالاخير يالف رحمة الله عله روحه شگد شريف ابد ماخله بحياته احد يحير قاسموهم بالطعام وبالشراب وبالياس اكرموهم فقط ميملكون بس الانفاس اكرموهم ساعدوهم اكرموهم ساعدوهم ااااااااااااااااااااااااااااااااااااااااااااااا بشر همه وجار بيهم هالوكت وخله من اگلوبهم هالدم يكت عيش يوم وياهم وشوف اشيصير من بعدهه احكم بعقلك ماشفت انصفوهم الم عيشتهم تره تشيب الراس اكرموهم فقط ميملكون بس الانفاس اكرموهم ساعدوهم اكرموهم ساعدوهم اااااااااااااااااااااااااااااااااااااااااااااااا الي متفضل عليه رب السماء خلي من هالخير ينطي الفقراء حتئ الله يبارك بخيره ويزيد شتنطي اكثر يمنحك رب العطاء ارحموهم حتئ يرحمكم الباري ياناس اكرموهم فقط ميملكون بس الانفاس اكرموهم ساعدوهم اكرموهم ساعدوهم اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/26 23:50
قصيدة اتمعن بالقرأن ااااااااااااااااااااااااااااااااااااااااااااااا اتمــعن بالقرأن ذاكرهم بحسان والديك موصي بيهم عاق لاتصـبح عليهم ذاكرهم بحسان ااااااااااااااااااااااااااااااااااااااااااااااا امك ووالدك اغله من الگلب بالك اتعيشهم بساعة رعب كون الهم بار في طول الحياة والجهنم تره الياذيهم يطب والماذيهم چان يدخل للنيران لاتبـيع واشــتريهم عاق لاتصبح عليهم ااااااااااااااااااااااااااااااااااااااااااااااا الله بــيـهم ياخلگ وصـانه وگـال بروهـم بنـص قـرانه والذي يخالف كتابه بلا نقاش صقر راح اتكون هـيه امچانه لتخلي الشيطان يدفعك للعصيان فخر لو قبلت ايديهم عاق لاتصبح عليهم ااااااااااااااااااااااااااااااااااااااااااااااا خطوه لاتمـشي ابـد گدامهم اچفوفهم قبلهه ويه اقدامهم بحترامك الهم شكد يندعون بخير يدعولك بطول ايامهم يـدعــون المـــنان يجعلك عالي الشان والله يتقبل دعيهم عاق لاتصبح عليهم ااااااااااااااااااااااااااااااااااااااااااااااا هـله هــله بـوالديـك بهـالزمان انطوك حـنـينه اشكثر رد الحنان لو قسه عليهم زمنهم والضروف خلي گلبك الهم يصير المچان بگلبك خلي امچان الهـــــم ياانســان بهاي روحك افتديهم عاق لاتصبح عليهم ااااااااااااااااااااااااااااااااااااااااااااااا امك الجــنه وابــوك ابوابهه واجب تقبل جــميع اعتابهه لو ردت تدخلهه دنگ اعله هام الجـنه اهل الخير بس احبابهه الجنه بلايه احساب تدخــلهه الاحــباب الفوز لمن ترتضيهم عاق لاتصبح عليهم اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/25 23:35
2019/07/25 01:13
لحن قصيدة ياانسان لاتهجر صلاتك
2019/07/25 01:13
تنويه الهمزه الاخيره في كل مستهل تكتب ولاتلفض اااااااااااااااااااااااااااااااااااااااااااااااا ياانســـان لاتهجر صلاتك بيوم الاخره ساحل نجاتك اديـهه الصلاه اسـجد للسماء اااااااااااااااااااااااااااااااااااااااااااااااا الصلاه عامود دينك لا لتهجرهه گوم صـليهة بوقتهه لا تاخرهه حسين عدنه اعظم مثال اشتدت الحومه للصلاه والدين روحه الطيبه ناذرهه اداهه الصلاه بالحومه كلهه وماهم للســــهام ولا نبلهه في طف كربلاء اسـجد للسـماء اااااااااااااااااااااااااااااااااااااااااااااااا الصلاه واجب علئ كل مؤمن ومسلم وكون للشيطان بيهه بكل وكت ترجم تنهي عالفحشاء والمنكر تـره بيهه ولجل فعل الخير دوم الگلبك تحشم لجل الخير واعماله تدفعك دوم تحشمك لا ماتمنعك وتدفع كل بلاء اســجد للسماء اااااااااااااااااااااااااااااااااااااااااااااااا الصلاة ساحل نجاتك تمشي گدامك ولمن يشتد الظلام اتنور ايامك اتمسك بطارف حبلهه ولاتفارگهه هيه گدام الخلايق تبرز اسلامك اتمسك بيهه لاتترك حبلهه مايرتاح عمره الي خذلهه امسكهه بوفاء اسجد للسماء اااااااااااااااااااااااااااااااااااااااااااااااا ربنه من عدنه طلب بيهه انتمسك ولون مـاتهـجرهه نارك ماتمسك بلايه شك تنور وجوه المصلين والي ماصله بحياته يعني اشرك اسم هاي الصلاه بايات مذكور وســط البقره وعمران والنور وسورة النساء اسجد للسماء ااااااااااااااااااااااااااااااااااااااااااااااا حافظو عالصلوات الله الذكرهه والصلاة الوسطئ متحتم امرهه والمــــلائك نادتـه قائــــم يصلي والمقيمين الصلاة الهـــم اجرهه تكسب اجر لو صليت عمرك بعذاب القبر يامسلم تحضرك لو حل القضاء اسجد للسماء اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/24 23:30
هالدنيه شبه الساعه اكضيهه كلهه بطاعه ونفسك الطماعه علمهه عالقناعه اااااااااااااااااااااااااااااااااااااااااا هذا قول المرتضى وروح الرسول ويــدرك الكرار فــعــــلآ مايقول كال هاي الدنيه سـاعه بلا نقاش اجعلهه طاعة من گبل لا أن تزول هالسـاعه عـمرك بيهه بالطاعة دوم اكضيهه بيهه القلب ضياعه علـمـهه عالقـناعه ااااااااااااااااااااااااااااااااااااااااااا طلك الدنـيه وليـــنه بالثلاث المال مايغــيري ولايغري اثاث يعرف الدنّــيه تزول وماتدوم ولايضل كل ذكر بـــيهه ولا اناث بهالكون غربه وشرگه بس ربنه دايم يبگه عالي يضل شراعه علمهه عالقناعه ااااااااااااااااااااااااااااااااااااااااااا الدنيه لو حــلوه فلا عنهه علي ابتـعد وبـصـوته كللهه ولي عثره يعرفهه علئ المــؤمن تصير والي يعثر بيهه حّـــتمآ يبتلي والدنيه تصبح حصته و ما يربح باخرته هالدنيه تلوي ذراعه علمهه عالقناعه ااااااااااااااااااااااااااااااااااااااااااا الدنيه للمؤمن صـفت دار ابتلاء وبطبــــعهه تلبســك اجمل رداء بهالفعل تغريك تســتحوذ عليك تكوم مـن اعروكك تمص الدماء شكد ماكره وخداعه عدهه اصبحت بضاعه تبيعك تره بأي ساعه علمهه عالقناعه اااااااااااااااااااااااااااااااااااااااااا مـــو طويله الدنيه صدك ماتطول انـــت مــّثل الورده تاليــتك ذبول احسبهه طيف وتنتهي بسدة جفون كون هـاي الساعه تكضيهه بقبول هالساعه من تگضيهه ارضـي الهـك بـــــيهه حصلهه للشفاعه عـلمـهه عالقــــــناعـه اااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/23 23:40
قصيدة هالمجالس وسيتم نشر اللحن لاحقآ اااااااااااااااااااااااااااااااااااااااااااا هالمجالس كالمدارس كالمدارس هالمجالس خرجت للدنيه شجعان وزلم الأوائل صارو بدرسة العلم اااااااااااااااااااااااااااااااااااااااااااا هالمجالس مو فقط تعني حروف رفت الرايات بالحب عالصفوف كل درس من عدهن يمثل الطفوف ميه من ميه نتائجهم تشوف بيهه طالب اسمه عابس بالعشك والعلم فارس ثورة مصحوبة بحياة بلا ظلم الأوائل صارو بدرس العلم اااااااااااااااااااااااااااااااااااااااااااا هالمجالس بيهه طلاب شكثر وللاخلاق وللقيم صارو ذخر والعلامه الكامله بدرس الصبر ويشهدالهم درس قرآن الفجر ابد مـا الهم منافس كل قلب عالدين حارس كفو من هالثله منهم والنعم الأوائل صارو بدرس العلم اااااااااااااااااااااااااااااااااااااااااااا هالمجالس عامره بذكر الحسين وبيهه روحانيه والحب والحنين حب لخيك الخير وارفع هالادين أدعو الله يحفظه من المارقين ارفع ايدك وادعي ليهم الخير كون ايمر عليهم كون من الخير لا ماينحرم الأوائل صارو بدرس العلم اااااااااااااااااااااااااااااااااااااااااااا الحسين أعظم ثقافه بهالوجود وفاق بنسانيته كل هاي الحدود خرج للإصلاح وأعلن مايعود لو شهاده لو نصر ضد الحشود و فكرته مايغيرهه لو شهاده لو نصرهه اثنينهن رد بيهن ماينهزم الأوائل صارو بدرس العلم ااااااااااااااااااااااااااااااااااااااااااا هالشعائر تعتبر طوق النجاة ومفترق مابين موتك والحياة بيهه نتمسك مثل حبل الصلاة ونطلب من الباري يرزقنه الثبات نطلب من الباري ربنه بهالخطى يثبت قلبنه بهالشعائر كون نثبت نلتزم الأوائل صارو بدرس العلم ااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم الطاهر
2019/07/22 23:35
2019/07/22 01:09
لحن قصيدة هذا العمر ريشه بوسط ريح👇👇👇👇👇
2019/07/22 01:09
قصيدة هذا العمر ريشه بوسط ريح وسيتم تنزيل اللحن لاحقآ اااااااااااااااااااااااااااااااااااااااااااااااا ( هذا العمر ريشه بوسط ريح ) ( ماندري ياساعه الذي تطيح ) خلص حياتك بالمحبة والسلام لاتكضي عمرك بالحقد والانتقام اااااااااااااااااااااااااااااااااااااااااااااااا ساعه هذا العمر يكضي لامحال والبشر اخرته يخضع للرحال احذر من اغواء هالدنيه العقور وازرع الحب والسلام بكل مجال ازرع محبه وعاطفه وطيب من كبل لا يغزي الشعر شيب لتخلي قلبك يتبع ادروب الحرام لاتكضي عمرك بالحقد والانتقام اااااااااااااااااااااااااااااااااااااااااااااااا ابد لا ترتدي جلباب الحقد صير بالدنيه مثل طبع الورد لو يمر بشده إحساسه فضيع ينثر عليك العطر طبعه الزهد ( هالورد أعظم درس للناس ) ( ينثر عطر من وسط الأنفاس ) ماحقد يعرف تالي هالدنيه ختام لاتكضي عمرك بالحقد والانتقام اااااااااااااااااااااااااااااااااااااااااااااااا يبقه بس ذكراك لو مر الاجل يرحمه الله لو حمد لله رحل سمعتك واخلاقك التبقه اكيد وصفي نيتك لا تخليهه بخلل ( صفيهه نيتك تالي للموت ) (يخرس لسانك ماكو كل صوت ) بالكبر ماتكدر بعد عن الكلام لاتكضي عمرك بالحقد والانتقام اااااااااااااااااااااااااااااااااااااااااااااااا ركز اعله الجانو الدنيه معاك هم مثلهم كلشي هم تترك وراك لا لسان يفيدك ومال وبنون بس ذكر صالح يحقق مبتغاك ( بس عمل صالح يبقه ميروح ) ( من تصعد الخالقهه هالروح ) يبقى الذكر لمن جفن عينك ينام لاتكضي عمرك بالحقد والانتقام اااااااااااااااااااااااااااااااااااااااااااااااا الدنيه مثل المدرسه وعبر السنين خلي روحك بيهه من الناجحين وراح اوضحلك مثال بهالكلام أقره سيرة خدم وأنصار الحسين ( طلكو الدنيه وكل ملذات ) ( وبلحظه وحده نصفو الذات ) نالوا بهالموقف أجل وأعظم مقام لاتكضي عمرك بالحقد والانتقام اااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم الطاهر
2019/07/21 23:35
2019/07/21 16:05
لحن قصيدة يوليدي عريس الحشد
2019/07/21 16:05
قصيدة لشهداء العراق رض وسيتم تنزيل اللحن لاحقآ اااااااااااااااااااااااااااااااااااااااااا يوليدي عريس الحشد طشيتلك دمـعي ورد ولفـيـت گبـرك بالعلـم وجهك عله اعيوني انرسم طشيتلك دمـعي ورد اااااااااااااااااااااااااااااااااااااااااااا انه امك يشمعة روحي يوليدي ياسـبحة صلاتي الجانت بايدي يـنور البيـت ياحلمي وفرح عيدي بحروفك عشت كل عمري ترديدي ماينـحمل يمه البعد كل لحظه اتنطر ترد الهــــجـر بي شـوغة الم وجهك عله اعيوني انرسم طشيتلك دمـعي ورد اااااااااااااااااااااااااااااااااااااااااااا يوليدي الچنت تارسهن اعيوني هســه اضلمن وبعدك يگودوني اذا اشــتاگلك واطلب يــودوني طايح حــيلي بالگوه يمــشوني لو يبني يمك مااصل ماينگطع حبل الوصل حبل الوصل حنيته دم وجهك عله اعيوني انرسم طشيتلك دمعي ورد اااااااااااااااااااااااااااااااااااااااااااا اطباع الهجر قاسي وفلا يرحم مثل السيف اصبح طبعه يهوه الدم ودرب الموت دربه واللطم والهم ويخلف حزن وسط الگلب يلتم يبقه حزن طول العمر وماينمحي بس بالگبر دلالي وج مــــثل الخيم وجهك عله اعيوني انرسم طشيتلك دمعي ورد اااااااااااااااااااااااااااااااااااااااااااا اخذ حيلي الهجر يوليدي المدلل طبع بالماي لو عاف الورد يذبل يانجــمــة ليـاليي البـــدت تأفل جرح بعدك سهم چتال يتسسل يتسلل الوسـط الگلب وبالنبض يوليدي يطب ويگطع اعــــروگي خــذم وجهك علئ اعيوني انرسم طشيتلك دمعي ورد اااااااااااااااااااااااااااااااااااااااااااا الما فاگد ابــن خيلوم من حگه ما چاويـته مـــره جــمرة الفرگه الشوگ اشگد صعب لوحانت الملگه وانه ابني بتراب شمصعب الشبگه لو ردت اشبگه وگلبي حن اله اشــگ گبره والچفن وبالترب كون اگضيهه شم وجهك علئ اعيوني انرسم طشيتلك دمعي ورد ااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/20 23:40
2019/07/20 03:00
لحن قصيدة ماعندي بالدنيه امل بس خدمتك بيهه اضل
2019/07/20 03:00
قصيدة ماعندي بالدنيه امل وسيتم تنزيل اللحن لاحقآ اااااااااااااااااااااااااااااااااااااااااااا ماعـنـدي بالدنيه امـل بس خدمتك بيهه اضل مو اله اكتب توصل الخدمه بهاي يمكن أسلم اعليك من اشرب ماي تنحسب خدمه بهالعمل بس خدمتك بيهه اضل اااااااااااااااااااااااااااااااااااااااااااااااا بين جــــدران اربـعه وبـوحـدي فكرت وبكل تـمـــعن ســـــيـدي ردت اخدمك وإني متيقن اكيد خـدمـتك چالبحر ومنين ابتدي خدمــتك منهه ماحصل تاج وعله الراس انجعل ولاوين اروح ايضل اثرهه وياي يمكن أسلم عليك من اشرب ماي تنحسب خدمه بهالعمل بس خدمتك بيهه اضل اااااااااااااااااااااااااااااااااااااااااااااااا خدمـتك مــولاي تعنيلي الكثير زغير بين الناس ســوتني جبير وجاهي اصبح جاه سيد بابه دوم ابد ما تنسـد بـوجـه اليســـتجير خليتني بأعظم محل دكتور ويشافي العلل للي يجـيني بماي وجـهي شراي يمكن أسلم عليك من اشرب ماي تنحسب خدمه بهالعمل بس خدمتك بيهه اضل اااااااااااااااااااااااااااااااااااااااااااااااا خدمـتك ياســيدي طود النجاة ويعله بين الناس جاهي بهالحياة عهد دربك ابد منتركه شـيصير وبـيك نلهج لحـد مـيمر الممات انته الامل وانته الاهل محــشوم من كل الزلل انت الگمر تضويلي في ليل سماي يمكن اسلم عليك من اشرب ماي تنحسب خدمة بهالعمل بس خدمتك بيهه اضل اااااااااااااااااااااااااااااااااااااااااااااااا زغــير وهلي الخدمتك نذروني وعلئ اخلاقك والعشــگ ربوني مثل جون بخدمك راديني ابوي وگلي يـبـني لاتخـيب اضـنوني وانه التزمت عله العهد اصــبــح لهم نعم الولد لازم اكـــون الوالديـــني وفــاي يمكن اسـلم عليك من اشرب ماي تنحسب خدمة بهالعمل بس خدمتك بيهه اضل اااااااااااااااااااااااااااااااااااااااااااااااا بخدمتك ماچان الي باعآ طويل لچن حسيت العمل بيهه جميل منين مــتميل الگلب وياهه دار وصرت اشوف الي طلع منهه ذليل العافهه يعيش بأالم ويعض اصابيعه ندم ندمان يگضي العمر مذهول الراي يمكن اسلم اعليك من اشرب ماي اااااااااااااااااااااااااااااااااااااااااااااااا خادمكم ثائر شله النجفي واسالكم الدعاء لي ولوالديه
2019/07/19 23:23
2019/07/18 23:40
انه والليل وصفنتي والسوالف غافيه انته عافيتي وغيابك أخذ مني العافيه بعد ما احمل غياب كلبي من الفركه ذاب انته عافيتي وغيابك أخذ مني العافيه اااااااااااااااااااااااااااااااااااااااااااااااا انه والليل وصفنتي وانت عني مبتعد وكلبي من كد مايحبك يندعي يمته ترد انت بستان المحبه بجفك اينام الورد يالخذت عقلي وشعوري النار بيهه تنوقد كلبي يلهب نار بعدك للأبد ماتنطفي انت مو أي شخص عادي يالجمالك يوسفي غيبتك تعني العذاب كلبي من الفركه ذاب انه والليل وصفنتي والسوالف غافيه اااااااااااااااااااااااااااااااااااااااااااااااا الوسعه ماتمليلي عيني وحدك التملي النظر صرت يعكوب بغيابك وانتظر منك خبر ابيضت اعيوني التحبك وشيبت من القهر يمته ترجع صدري اصبح ملجآ أيتام انهجر وانت تدري العاش وحده ومحد يدك بابه عينه تنزف دم بجيهه المايشوف احبابه تشبه ادموع السحاب كلبي من الفركه ذاب انه والليل وصفنتي والسوالف غافيه اااااااااااااااااااااااااااااااااااااااااااااااا المفارك ولفه طبعه يكضي ليله للصبح شما يضمد جرحه لاجن يرد باجر ينفتح هالجرح يكطع نزيفه بس ابو الكلب السمح ويمته راح يعود يمته الفركه اشبه بالذبح الفركه صارت نار كبره ومحد يطفيهه هاي ناري ماكو واحد الذي يحس بيهه توج لو مر هوه الهاب گلبي من الفرگه ذاب اااااااااااااااااااااااااااااااااااااااااااااااا الله يدري شجوه كلبي ليل بس مابي كمر يكسر الخاطر ونينه وجم ضلع منه انكسر عاش يتنطر حبيبه وللاسف لا ماحضر ايده يرفعهه وينادي ربي جيب المنتظر والله مشتاگ ارد اشوفه بشوفته يعيش الامل وگلبي من گد ماينطره خايف يمره الاجل گضه كل عمره انتحاب گلبي من الفرگه ذاب اااااااااااااااااااااااااااااااااااااااااااااااا غيابك مخليني ميت فقط عاشت روحي وحتئ سابع جار اصبح دوم يسمع نوحي وماكو چف يعطف عليه ايداوي كل جروحي انا هذا الچان ليلي الگمر فوگ سطوحي هسه حته الگمر ابعد عني ميمر بيهه صرت كل الليل اقره شگد نعي ولطميه مثل ام فگدت شباب گلبي من الفرگه ذاب ااااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم الطاهر
2019/07/18 23:39
2019/07/17 23:54
قصيدة لأم البنين ع لشهر محرم الحرام وسيتم نشر اللحن بعد قليل ااااااااااااااااااااااااااااااااااااااااا يابشر خبرني عن حسين لا مانشـــدتك عن البنين فدوه الولد يرحون للغالي ارحمني گلي وارحم بحالي لامانشـــدتك عن البنين اااااااااااااااااااااااااااااااااااااااااااا يابــشر گلبي رچــــيچ ولاتعذبه فرگة الحبهم احســهه صعبه صعبه ولو سمع مسهم اذه ميت احســبه الشــوفة الاحباب دوم اعيونه تربه يا بشر مــن دم تنزف العين وگلبي انجرح نبضه من الونين ينــصاب بالهم گلبي بالتالي ارحــمني گلي وارحم بحالي لا مانشدتك عن البنين اااااااااااااااااااااااااااااااااااااااااااا يابشر وينه العزيزة اخبرني عنه الشوفته گلبي. وعيوني يناطرنه شوف گلبي لســه لا ماشبع منه بدونه گضيت الوقت ونه عله ونه اخبرني وين اوليدي الحنين مااحتمل فرگاه ولو حين الحزن بعده اعليه متوالي ارحمني گلي وارحم بحالي ااااااااااااااااااااااااااااااااااااااااااااا يا بشـــر لا لا تگطع نياط گلبي حرمة واتعنيتك اعثر طول دربي احساسي كلمهه النواظر گلهه صبي حسين راح يفارگج اقسم بربي عنچ يروح وروحته بعيد والنوح بعد اعيونه ميفيد خابت ضنوني وخابت امالي ارحمني گلي وارحم ابحالي اااااااااااااااااااااااااااااااااااااااااااا يم الاربع هالامــر مابي سـهوله قوي قلبچ بالصبر عالراح اگوله اللعين ايزيد حـشـد كل خـيوله وفوگ صدره بلايه رحمه العَبَت جوله وتولته الخـــــياله صــوبين ورضت اضلوعه ومااله معين والراس فوگ الرمح بالعالي ارحمني گلي وارحم بحالي ااااااااااااااااااااااااااااااااااااااااااا وليدي راح شلون اتحمل غيابه وگلبي يـتـعذب وياذيني بعذابه مصابه راح يكون كل عمري مصابه ولوردت عطره اشمه اشتم ترابه لوردت اشوفه بهاي العيون وجهه السماوي بگاع مدفون بمچانه ريت الموت يدنالي ارحمني گلي وارحم بحالي ااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من الدعاء
2019/07/17 23:48
2019/07/16 23:16
يالتخدمونه بســجله كتبونه خادم لساعه مماتي حب ابو اليمه نجاتي اااااااااااااااااااااااااااااااااااااااااااااا عندي بس هالصوره بيهه الراس مرفوع اقره بالچلمات لجـل الراســــه مگطوع عيني تهــمـله شـــعر ماتــهمل دموع وحيل ادگ عله القصيده اكسرهه الضلوع واقره بحروفي. وارفع چفوفي بيـــه يقبل امنياتي حب ابو اليمه نجاتي اااااااااااااااااااااااااااااااااااااااااااااا بيه لو يقبل اعيـــش بـــــعمري مرتاح مثل فطرس والقـــصيــده تصير الجناح والطم عله الصــدر حــــيل الراح بالراح وابقه كل ايامـــــي العـــن كل الرماح وراسي بالونه. مچانه يتمنه ينطبر يـعلن وفاتي حب ابو اليمه نجاتي اااااااااااااااااااااااااااااااااااااااااااااا يالتخدمــون الحــــــسين الكم سلامي ســـجلوني بالســـجــل خادم الضامي رغم تقــــصــيـــري ورغم قله كلامي لاچن امـــلكلي گلب يــنـــزف غرامي ينبض بحبه. وماترك دربه اسمه قرآني وصلاتي حب ابو اليمـه نجاتي اااااااااااااااااااااااااااااااااااااااااااااا ربنه ميكلف نــــــفــس اله وسعــهه وانه املك بس قصــيــده تهــل دمعهه وروحي من تحــتار ويـــبيـــن وجعهه احس صـــوت الخدمه هاللحظه تبــعهه وشعري بالمدمع. وروحي تتگطع امتلك بس هالصفاتي حب ابو اليمـه نجاتي اااااااااااااااااااااااااااااااااااااااااااااا سوء توفيقي اذا تــرفضــني خـــادم وابقه طول العـــمــر يابو اليمه نادم شلون لو مــرني مـــحرم مااســاهم بالمجالس يعني ماتـــشــفعلي فاطم الزهره ترفضني. ولا علي يحبني ذله اعيشنهه حياتي حب ابو اليمه نجاتي اااااااااااااااااااااااااااااااااااااااااااااا خادمكم ثائر شله النجفي ولاتنسوني ووالديه من بركة دعائكم
2019/07/16 23:15
1