مستشارك النفسي والعاطفي


425 مستخدمًا

فضفضة منكم وليكم ، وكل مشكلة وليها حل ♡




رابط صراحة :

http://t.me/S77Sbot?start=727296176
{links} {LinksTitle}
{/links}
زيارة اليوم : 1
زيارة الامس : 2
زيارة لمدة عام : 20
المرحلة الملكية 🙈😍إحم إحم 😌🎤طيب بسم الله نبدأ المرحلة دي لما الزول يصل ليها زي السلام النفسي كدا بتتجنب اااي نقاش مافيهو نتيجة اما اذا دخلته في النقاش دا والزول البتتناقش معاهو بدا يغلطك ويطلع كلامو الصاح بتخليهو على فهمو دا ومابتحاول تثبت ليهو انو كلام الصاح 😂احلى شيء كيفني انو لو زول كذب عليك وانت عارفو بكذب مابتقول ليهو كذاااب وكدا بتخلي يتم كلامو كلو وبتكون مبسوط لانو عارفو كذاب وهو قايل نفسو انك مصدقو ودا الحاصل معاي😂 ومابتدي المشاكل اكتر من حقها وصاح مرات بتضايق وكدا بس بترجع بسرعة للامبالاه بالحاجات المابتستاهل وبتخليك تكون قنوع جدآ بالحاجة العندك ،بتعاين لقيمتة المعنوية اكتر من المادية عجبني مثال حلوه😍انو اذا لبسته ساعة بي 30او 300حتدينا اساس الشيء وهو الوقت حنكون راشدين كل ما زاد عمرنا +الحاجات البتحصل لينا وتدينا خبره وحتقتنع انو السعادة ماقروش بس بالختصر المفيد مابتدي حاجة اكتر من قيمتة زول طلع من حياتك خلاص درب السلامه شنو يعني😌ربنا يسعدو حصلت مشكلة او مصيبة 😌الحمدلله على كل حال وتعويض ربنا جاي حصلت حاجة حلو ياسلاام😌😍إن شاءالله دايما 😌اعيش ااي لحظة بشعورها بس ما تأخد أكتر من وقتها😌 وشكرا #سنيوريتا_ع 💚
2019/04/04 17:07
السلام عليكم يا جماعة ياريت تسامحوني على التقصير والغياب والناس المتأخر عليهم شديد بعتذر ليكم ، ما كان بالود نقصر بس أنا لسه عند وعدي ليكم وربنا يسهل 🌹
2019/04/01 01:04
pin message
2019/03/07 23:45
عادة ما بنشوف انو في ناس كتيرة بتفضل انها تسكت وما تشارك في اي كلام او ونسة مع الحوليها او حتى الحاجة دي ممكن تكون في البيت فبنقول انو الصمت بصورة زائدة عن الطبيعي ممكن يسبب حالة من الانطوائية للناس اللي بكون في مثلا شخصيات قوية جدا حولها ولاغية شخصيتها تقريبا ،، أو ممكن تحصل بسبب عبارات جارحة زي إنتي بتعرفي شنو !! أو أسكتي وكدا ... فواحد من الحلول انو تحاول علي قدر الامكان تفتش صديق او شخص تبدأ تتكلم معاو يكون عندو حسن الاستماع وشوية شوية تحاول تدخل في الناس او ممكن تحضر برامج حوارية ثقافيه بتزيد من وعيها أو تقرا كتب التنمية الذاتيه وتكون واثقه جدا من نفسها انو مافي زول تقدر تخاف منو او احسن منها وبكدا ممكن تكسر الحاجز دي ماحاجه صعبه ابدا بس اهم شي الزول يكون عندو رغبه داخليه انو يتغير وان شاءالله بتبقى احسن . و لازم نعرف انو دائما الشخص بيعكس الصورة اللي هو شايفها عن نفسو وعلماء النفس قالو لو الزول ردد عبارات ايجابيه زي انا جميله انا قويه وانا ناجحه الكلام ممكن العقل يصدقو و بي كدا الزول بيبدأ كدا يعكس الصوره دي للناس ف دائما الثقه بالنفس دي بتخلي الزول يتخطى كل العقبات وبتساعدو جدا بتخلص من التردد وما يخاف من الانتقاد وردات فعل الناس ، ف يحاول يطلع من الانتقاد الجزء البناء وما يركز مع الكلام الهدام بل بالعكس يخلي الكلام الهدام دافع ليهو عشان يطور من نفسو اكتر واكتر ويزيد ثقتو بي نفسو . وواحد من الحلول ممكن يكون في حالة لو : كان في كتير من الأحيان بتكلم مع نفسو وبحاورها فممكن دي تكون أسلوب من أساليب الفضفضة والترويح عن النفس والتخفيف والتخلص من الطاقة السلبية . وبرضو ممكن تكون واحدة من أساليب المواجهة مع الذات والاعتراف بالأخطاء او محاولة من محاولات تحفيز النفس لتجاوز مشكلة أو تشجيع لمزيد من النجاح لو لاحظتو معاي نحن دائما بنحاول نركز على موضوع الثقة بالنفس لأنها المفتاح لحل جميع المشاكل الممكن تواجهنا وهي سلاحنا القوي لتجاوز المطبات وحالات اليأس الممكن تسيطر علينا في لحظات لما نحس اننا ما قادرين ننجز او نتجاوز موضوع معين . ف يعني شنو أكون واثق من نفسي وكيف أحقق الحاجه دي ؟ الثقه بالنفس بتتركز في النقاط الاتية : -التصالح النفسي : انو انا عارفه مميزاتي وعيوبي ومتصالحه معاها بمعنى اني ما ناكراها بل بالعكس معترفه بيها وبحاول اصلح منها. - عدم مقارنة نفسي مع اي شخص تاني او احس انو في شخص افضل مني او احس بالدونية . -عدم التأثر بأي انتقاد او اي كلام سلبي لانو في النهايه انا عارف نفسي شنو واحاول اطلع منو الجزء الممكن يفيدني اني امشي لي قدام . -تقوية العلاقات الاجتماعيه : يعني اختلط بالناس وما احاول اتجنهم عشان اعرف كيف اتعامل معاهم وافهم تصرفاتهم بالإضافة لي اني احاول اخلي مساحة لنفسي تجنبا لاي موقف سلبي ممكن يحصل منهم ، فالمساحة دي بتخليني كيف اعرف اتصرف وما اجي على نفسي لحساب اي شخص . -التفكير الإيجابي نركز دايما على نفسنا ونحاول نطورها بشتى الطرق دي بخلينا نفكر بشكل ايجابي بعيد عن الاحباطات . #م_سامية_عثمان 🧡
2019/03/04 23:50
pin message
2019/03/04 23:47
_اوك .. اول شي بالنسبه للشخصيه الضعيفه...طبعا ماف شي ما عندو حل بس اهم شي انو تزيدي ثقتك بنفسك ..وبالتالي م حتتحرجي ابدا انو تقولي رايك الحر .. فااا لازم تركزي جمالك الداخلي وتعملي على زيادة الثقة بالنفس🤷‍♀ ودا بيحصل كييف ؟! ⭕️التعلم من الأخطاء : قد يرتكب الأشخاص الأخطاء خلال قيامهم ببعض الأمور، لذا يجب أن يكونوا على استعداد لقول كلمة آسف، وتقديم الاعتذار عندما يلزم الأمر، ممّا يؤدي إلى زيادة احترام الأصدقاء والزملاء، كما يُحرص على التعلّم من الأخطاء، وبذل قصارى الجهد والاستمرار بالمحاولة، وزيادة تعزيز الذات.. الاعتزار دايما بوصلنا لنقطه سلام داخلي ورضا .. ⭕️التعرف على أشخاص كلما تعرفي ناس اكتر كلما بتزيدي فرص التعلّم من خبرات الآخرين المختلفة ومن النقاشات حتتعرفي على ثقافات جديده وزياده المعرفه والأفكار ووجهات النظر المختلفة، بالتالي حيؤدي إلى توسيع آفاق العقل، وبتخليك أكثر تسامحاً وتقبلاً للآخرين. ⭕️تنمية مهاراتك القيادة: فمقولة أنّ القادة يولدون، ليست دقيقة تماماً، لذا يجب اتّباع شتى الطرق لتعزيز مهارات القيادة، ومنها مهارات التواصل مع الآخرين، للتأكّد من مدى قدرة إيصال الرسائل المرغوبة للآخرين بطريقة صحيحة وسليمة*وطبعا لازم تتخلصي من الشعور بالاحراج لانو م فيه اي معنى* بالإضافة إلى العمل على تطوير مهارات التحدّث والاستماع، لتحقيق أقصى استفادة منهما. ⭕️وضع أهداف واضحة : لازم تحددي هدفك اللي هو بيديك قيمك وتختي خطط لتنفيذ الأهداف، ودااا حيساعد على التقدّم ويصبح الشخص أكثر رغبةً بتحقيق أهدافه، وسيسعى على جعل هذه الأهداف بسيطة، يمكن تحقيقها خطوةً بخطوة، لاكتساب المهارات، والخبرات، وزيادة الثقة بالنفس، لذا ينصح بكتابة الأهداف وتطويرها داخل دفتر المذكرات، والتمتّع بالإنجازات مهما كانت صغيره.💜✨ —بالنسبه للكذب .. الانسان طبيعيا لمن يميل للكذب لازم يكون عندو اسباب ..ممكن عشان يحمي نفسو او يكذب خوف من نظره الاخرين وحكمهم او خشيه عقابهم .. وبالتالي بيرسم لنفسو صوره ما واقعيه ع حسب البتماشى مع مصلحتو والعايزو هو ..بس ف النهايه لازم يمر وينصدم ويواجه الواقع حقه ... ف حسب كلامك انتي بتكذبي خوف من الناس .. طيب الحل شنو ؟؟ العمل على الذات لتقبل *الأنا* والواقع.. لازم تتقبلي حقيقه الامور وتواجهيها خصوصاً أنو الهرب من الحقيقة ما بيغير شي .. بيأجل مواجهتك ليها بس ف النهايه حتتطري تواجهي .. الكذب بيدخلك متاهات لا نهائيه لانو اي كذبه بتجر اختها .. والصراحه راحه زي ما بقولو .. قوي ثقتك بالكلام الفوق واتكلمي من غير خوف ولا كذب واي شي حيتصلح ف النهايه 💜✨ ...... حتى لو فشلتي مره او مرتين او اكتر انو تقوي شخصيتك.. اهم شي تعرفي بما انو بديتي معناها انتي ف الطريق الصح واستمري 💜✨ #د_ميرنا_سلامة 🧡
2019/02/27 01:15
📮 :: رسالة جديدة ... ـ➖➖➖➖➖➖➖➖ كيفية علاج ضعف الشخصية والاستمرار بالكذب خوفا من الآخرين ـ➖➖➖➖➖➖➖➖ ➥❥❥♡❥❆❀√❅☆
2019/02/27 01:11
🌸....السلام عليكم ورحمة الله....🌸 القلق ⭕️بنعرف شنو عن القلق🤔..؟ هو شعور عام غامض غير سار بالتوجس والخوف والتحفز والتوتر ،مصحوب عادة ببعض الاحساسات الجسمية خاصة زيادة نشاط الجهاز العصبي اللاإرادي "مثل الشعور بضيق في التنفس ،ونبضات القلب💗،الصداع وكثرة الحركة💃. ⭕️ مفهومه العام ...؟ بتكون حاصلة زيادة في الجهاز العصبي اللاإرادي ،ف بتزيد نسبة الأدرينالين والنور في الدم "من ناحية وظائف الاعضاء"🤓. ¤بالنسبة للجهاز العصبي "ارتفاع ضغط الدم ،زيادة ضربات القلب💓،جحوظ العينان 👁،ارتفاع سكر الدم ،شحوب في الجلد ،زيادة التعرق ،جفاف الحلق ،احيانا ارتجاف الأطراف وعمق التنفس🤒 . "كثرة التبول ،اسهال ،وفوق الشعر ،زيادة الحركات المعوية مع اضطراب في الهضم والشهية 😥. "شرح وافي تحت 👇👇" ⭕️متي يتحول القلق من حالة عادية لمرض ....؟ لما يكون حاصلة زيادة في الحاجات الذكرتها فوق "في جهازنا العصبي ". ⭕️في امراض يصاحبها اعراض القلق ...؟ 1/الهستيريا ،الحوادث ،وتوهم المرض 😷🤕! 2/ الاكتئاب الجسيم ،وانفصام الشخصية ♋️". 3/امراض عضوية "أورام الغدة فوق الكلوية، زيادة إفراز الغدة الدرقية ،تصلب شرايين المخ ،الشلل الاهتزازي، ونقص السكر في الدم . ⭕️الأسباب والعوامل المساعدة ....؟ 1/العامل الوراثي "انو يكون أبوك او امك عندو ف بالتالي انت كمان بجيك او اجدادك"😟 2/السن "يزيد القلق في الأطفال في شكل خوف من الغرباء ،والظلام والحيوانات و والاطفال والكبار و الخوف من البقاء وحيدا في المنزل ،او يظهر في هيئة أحلام مزعجة 👻 او فزع ليلي " 3/المراهقة"هنا القلق بياخذ الشعور بعدم الاستقرار ،والحرج الاجتماعي خصوصا عند مقابلة الجنس الآخر ،والعلل البدنية ". 4/تزيد نسبة القلق في النساء 👩🏽مقارنة بالرجال 👨🏽. ⭕️أعراض القلق النفسي ....؟ 1/القلق الحاد "حالة الخوف والهلع ،والرعب الحاد ،إعياء القلق الحاد عندما يستمر لمدة طويلة يصيب الفرد اجهاد وقلة نوم لأيام طويلة😣 ". 2/القلق المزمن "عندو اعراض جسمية ،نفسية ،...". ¤يهمنا هنا الأعراض الجسمية..: 1/الجهاز القلبي💜: الشعور بآلام عضلية فوق القلب والناحية اليسري من الصدر ،الإحساس بالنبضات ،ويجد ارتفاع ضغط الدم نتيجة ل الانفعال الظاهر او المكبوت😠. 2/الجهاز الهضمي ...: صعوبة في البلع ،سوء هضم ،انتفاخ في البطن ،استفراغ 😑،اسهال او إمساك ،مغص بدون سبب واضح . 3/الجهاز التنفسي..: سرعة التنفس ،الشعور بضيق الصدر وعدم القدرة علي استنشاق الهواء. 4/الجهاز العصبي...: ارتجاف الأطراف ،الشعور ب لفة راس والصداع . 5/الجهاز البولي والتناسلي...: كثرة التبول "في حالة الانفعال الشديد ،وقبل الامتحانات "،وفي حالات ثانية بكون عندهم حبس بول ،فقدان القدرة الجنسية لدي الرجال ،ضعف الانتصاب ،والبرود الجنسي لدى المرأة ،اضطرابات في الدورة . 6/الجهاز العضلي...: الم في العضلات "الساقين او الذراعين "،والظهر ،والصداع. 7/الجلد...: يؤدي لظهور حب الشباب ،الأكزيما ،الصدفية وغيرها . 8/الغدد الصماء...: زيادة إفراز الغدة الدرقية ،والبول والسكري. ⭕️العلاج....؟ 1/علاج نفسي "لما يضيق بيك الحال شوف اي حد بتحس معاه بالراحة وفضفص ليهو ،اتكلم ابكي عبر عن الحاجة الجواك 😀 ". 2/علاج بيئي واجتماعي"هنا اللجوء للتغيير ،اطلع شوف الناس واعرف مشاكلها ،وخلي عندك أمل بالله وطاقة إيجابية عشان تقدر تحسن من وضعك 😌". 3/علاج كيميائي. "والراحة الجسمية اهم خطوة ". 🚫لا للقلق ✋✊ دكتورة نعمة عمر🌸
2019/02/26 12:35
📮 :: رسالة جديدة ... ـ➖➖➖➖➖➖➖➖ السلام عليكم حااابه اسأل متين القلق بيتحول من حاله عاديه الــى مررض والعلامات بتكون شنوو وياريت لو تدونااا حل للحاجه دي وفي ميزان حسناتكم ي رب❤️ ـ➖➖➖➖➖➖➖➖ ➥❃❀❉☆♡√❆❆☆
2019/02/26 12:29
pin message
2019/02/26 00:59
يا جماعة سلام عليكم انا لما عملت القناة دي عملتها عشانكم يعني هدفي الاول والاخير كان اني اقدر اساعدكم بقدر ما استطيع ، بس والله العظيم في ضغط كبير في الاستشارات البتصلني على رابط صراحة وقاعد احاول ارد واتابع معاها بقدر ما اقدر وما اقصر معاكم ، بس كمان كانت بتجيني حالات كتيرة على الخاص والحمدلله انجزنا مع كتير منها والباقي ماشين معاهو كويس . فعايز الناس اللسة ما وصلهم رد على اسئلتهم واستشاراتهم ما يزعلو ويضايقوا مني ويعفو لي ياا رييت ما تفكرو اني خذلتكم والعشم الاديتو ليكم انا قدرو بإذن الله والثقة الاديتوني ليها ح احاول اكون قدرها وما ح اقصر معاكم واوعدكم بكرة ح احاول بقدر الامكان ارد على الاستشارات الوصلتني في صراحة وتاني بكرر اني هنا عشانكم بس الضغط كبير والناس المعاي ما مقصرين بيحاولو برضو يناقشو الاسئلة بكل استطاعتهم ويتواصلو مع بعض الاستشارات فبعتذر تاني ولكم العتبى حتى ترضو 🌹
2019/02/26 00:58
إضطراب القلق الاجتماعي (social anxiety disorder) : هو حالة صحية عقلية مزمنة، ويعرف أيضًا باسم الرهاب الاجتماعي (Social phobia) ،، وفيه تسبب التفاعلات اليومية قلقًا شديدًا، أو خوفًا، أو خجلاً أو مضايقة لأنك تشعر بأن الآخرين يراقبونك ويحكمون على تصرفاتك. #الأعراض : أولا: الأعراض الانفعالية والسلوكية * الخوف من المواقف التي يتم الحكم فيها عليك * القلق من الارتباك أو إحراج النفس *الخوف المتواصل من أذى شخصٍ ما *الخوف الشديد من التعامل مع الغرباء أو التحدث معهم. * الخوف من ملاحظة الآخرين للقلق عليك *الخوف من الأعراض البدنية التي قد تسبب مضايقتك، مثل احمرار الوجه من الخجل، أو التعرق، أو الارتعاش أو التحدث بصوت مرتعش  ثانيا:  الأعراض البدنية تسارع ضربات القلب ، اضطراب في المعدة أو غثيان ، صعوبة في التنفس ،الدوخة أو الدوار ، الارتباك أو الشعور "بعدم الاتزان" ، الإسهال والشد العضلي . ثالثا: تجنب المواقف الاجتماعية الطبيعية عند المعاناة من اضطراب القلق الاجتماعي، تشمل التجارب العامة اليومية التي قد يصعب التعامل معها ما يلي على سبيل المثال: التعامل مع الغرباء لأكل أمام الآخرين ، التواصل البصري ، بدء المحادثات ، حضور الحفلات أو التجمعات الاجتماعية، التأخر على العمل أو المدرسة ، الدخول إلى غرفة بها أشخاص جالسون بالفعل #العلاج : علاج الرّهاب يكون بالتداخل في المجتمع ومواجهة الناس ، والإكثار من الجلوس بين الناس، ولاسيّما أصحاب النظرات الإيجابيّة ، وأن يبتعد عن أصحاب التشاؤم ، أصحاب الأفكار الهدّامة والانتقادات التي لا أصل لها وإنّما ينتقد فقط لينتقد ، حبّاً في تحطيم ذوات الناس. وعلى الذي ينشدُ علاج الرّهاب أن يتذكّر أن هذا الأمر ليس مرضاً جسديّا صعباً ، وإنّما هي حالة نفسيّة من الخوف تقوم برفع إفرازات هرمون الأدرينالين ليضخّ الدم إلى العضلات ، صاحبة الحاجة إلى الأكسجين ، فبالتالي لا علاقة بهذا الرّهاب بالقلب أو قوّته أو ضعفه وإنّما هي مشاعر نفسيّة تستطيع التغلّب عليها بالتدريب والدخول في صفوف المجتمع وبين الناس ، ومواجهة الجمهور بكلّ ثقة . ولا شكّ أنّ المؤمن ينبغي أن يكون صاحب عقيدة راسخة بأن المدد والعون والقوّة هي من عند الله سبحانه وتعالى ، وينبغي للشخص الذي يريد التخلّص من الرّهاب أن يمارس الرياضات التي يكثر فيها التفاعل مع المجتمع وان يثق ف نفسه وانه يستطيع التخلص من هذا الرهاب . #د_مودة_محمد 🧡
2019/02/26 00:30
📮 :: رسالة جديدة ... ـ➖➖➖➖➖➖➖➖ وعايزة اعرف اكتر عن الخوف الاجتماعي واعراضو وطريقة علاجو ـ➖➖➖➖➖➖➖➖ ➥❥❈❀❉❈❥❈❀❉
2019/02/26 00:28
🌸...السلام عليكم ورحمة الله...🌸 💠كيفية تعزيز الثقة بالنفس... حأبدأ بتعريف اول عنصر في الموضوع الا وهو الثقة ؟والثقة بالنفس؟؟؟ تعرف الثقة في العلاقات بين الناس بأنها الإيمان القوي والراسخ بمصداقية أو حقيقة شخص ما، أو إمتلاكه القوة والقدرة على شيء ما، وفي العادة وعندما ينعدم وجودها يتمثل حصول ذلك في وجود حواجز مرتفعة بين بعضهم البعض، مما يؤدي للوصول إلى مصير مليء بالوحدة والشعور بالإنعزالية، لأن عدم الثقة في الناس ينتهي بعدم القدرة في الحفاظ على العلاقات، وإذا وثق الشخص كثيراً بالآخرين فإن ذلك يمكن أن يؤدي به للكثير من خيبات الأمل.💔 الثقة بالنفس هي إحساس الشخص بقيمة نفسه بين من حوله فتترجم هذه الثقة كل حركة من حركاته وسكناته ويتصرف الإنسان بشكل طبيعي دون قلق أو رهبة فتصرفاته هو من يحكمها وليس غيره .... هي نابعة من ذاته لا شأن لها بالأشخاص المحيطين به وبعكس ذلك هي انعدام الثقة التي تجعل الشخص يتصرف وكأنه مراقب ممن حوله فتصبح تحركاته وتصرفاته بل وآراءه في بعض الأحياء مخالفة لطبيعته ويصبح القلق حليفه الأول في كل اجتماع أو اتخاذ قرار .😌 ♻️العوامل التي تؤدي إلي اهتزاز او انعدام ثقة الفرد بنفسه ...؟ 1/الشعور بالدونية'او الأقلية 'انا م زي فلان او فلان احسن مني وهكذا..!😒 2/الفشل 'من الحاجات الشائعة لما الواحد فينا يخطط لحاجة وتفشل ثقته بنفسه بتقل💔. 3/المقارنات سواء بين الأخوة او في الخارج "اخوك او اختك احسن منك ،انت شخص ما منك فائدة دي حاجات بعانوا منها اكتر الاشخاص😕. 4/المجتمع السلبي 'بخليك تنظر لكل حاجة بسلبية وعدم ثقة هنا ح تتعامل معاه علي اساس انه شئ محسوس 😞. 5/الغيرة والحسد . 6/الخوف 'ده من أكبر العوائق التي تمنعنا من التقدم او إعادة المحاولة 🚫. 7/تهويل وتضخيم الأمور والمواقف 'والاستنتاج الزائد بيدخل الإنسان في منطقة صراع وتساؤل دائم بينه وبين نفسه 😯. 8/الإحساس بالضعف واحتقار الذات سواء من أنفسنا او الآخرين"اعط نفسك حقها زي م بتعطي الآخرين 💗". 💠نشوف النقطة الثانية اللي هي كيف نقدر نرجع ثقتنا بأنفسنا ونرجع احسن من الأول ،ح نتبع بضع خطوات بسيطة وان شاء الله ح تساعد ..؟ 1/التغاضي 'م تركز مع كل حاجة وتحللها وفق مفهومك"👍. 2/التخلي عن الشعور بالظلم سواء من الاهل او الآخرين .👩‍❤️‍👩 3/اقتناعك واعتقادك الكامل أنك حقاً إنسان ذا ثقة عالية لأنها عندما تترسخ في عقلك فإنها تتولد وتتجاوب مع أفعالك ...💜 4/التسامح . 5/الاهتمام بالمظهر الخارجي له دور كبير في تعزيز ثقة الفرد بنفسه 💼. 6/التخلص من نقاط الخوف والسلبية المفرطة 💓. 7/رضا الله ثم رضا النفس❤️. 8/اعطي نفسك فرصة لأنها تستحق الافضلية💟. 9/تذكر الناجاحات والإبداعات التي قمت بها وكافئ نفسك عليها 💖. 10/كن إيجابيا بأفعالك وكلماتك . 11/اختلط مع الآخرين وناقش افكارك مع من تجده جدير بذالك. 12/ساعد الآخرين ومد لهم يد العون . 🌸🌸🌸 دكتورة نعمة .
2019/02/25 01:20
سؤال رقم( 4 ) : كنت عاوزة اسأل كيف الزوول يعزز ثقتو في نفسو وكييف يعرف انو ثقتو في نفسو قلت ؟
2019/02/25 01:19
وعليكم السلام والرحمة : عادة بنعرف التردد بي انو هو عدم إستطاعة الشخص ع اتخاذ قرار مناسب ، والحاجة دي بتحصل بسبب حاجات معينة . بس هو كمان من الأمور الساهلة جدا في انها تتحل ونقدر نتخلص منها اذا عرفنا اسبابها ... وما خليناها تتفاقم وتتطور . ممكن نقول انو أهم سبب لي التردد ح يكون شنو ؟ التردد ممكن يجي احيانا من عدم الثقة في النفس عشان كده لازم الواحد ينمي ثقتو في نفسو . طيب كيف ممكن الواحد يقدر يثق في نفسو وينمي الحاجة دي ؟ تثقي في نفسك معناها تثقي في قدراتك وتغيري اي تفكير سلبي لي ايجابي بي انك ترددي على طول بينك وبين ذاتك انك انتي واثقة من نفسك و تعرفي كمان نقاط الضعف و القوة في شخصيتك وتشتغلي عليها وتقدري ذاتك وتعززيها . تاني حاجة وانتي مترددة في قرار معين اكيد بتكوني خايفة من شيء ما فأول حاجة لازم تحددي انك خايفة من شنو : مثلا انتي خايفة لو انو قرارك دا يطلع غلط فالناس ح تضحك فيك يعني خايفة من كلام الناس بكدا انتي حددتي خوفك يلا بعد كدا ح تبدئي تشتغلي عليهو تقولي لنفسك اول حاجة انا ح أعملها اني ما ح اهتم بي كلام الناس طالما من جواكي انتي مقتنعة انو قرارك دا صاح وحتى ولو غلط ح تتعلمي منو يعني ف الحالتين انت ما خسرانة شيء بس اهم شيء انك ما تركزي مع الناس وتركزي مع ذاتك لانو في كل الاحوال الناس م ح تسكت دا ضرب مثال يعني بس للحاجة الحتكوني خايفة منها وتشتغلي عليها وزي ما بقول المثل من اشتغل بالناس مات هما . تالت حاجة عايزاك ما تخافي من نتائج القرار الانتي اتخذتيهو خليك عارفة انو مهما كانت النتائج انك انت الربحانة وما تخافي من الفشل لانو حتتعلمي منو والواحد لو ما فشل اصلا ما ح يحس بحلاوة وطعم النجاح اخيرا انتي لازم تحددي هدفك بالضبط كده وتكوني عارفة انو قرارك دا مهما كان هو خير ليك ، حتى في الامتحان طالما انك واثقة انو الاجابة صحيحة ما تتردي في كتابتها وتحاولي تغيريها بإجابة خاطئة زي ما قلت ليك خليكي واثقة من نفسك واتوكلي في اي خطوة بتعمليها طالما انك ممتازة في دراستك هل ح تخلي التردد يأثر على مستواك ؟ انتي جربي وقولي واكتبي الحاجات البتجيك في سرك صدقيني ما ح تخسري شيء ولما تطلعي من امتحان مثلا ح تشوفي انك بكدا عملتي الصاح حتى لو كان فيها احتمال خطأ على الأقل تكوني اتخلصتي من التوتر والتردد وتحاولي تركزي في كل المرات الجاية . فبإختصار عشان تتخلصي من التوتر دربي نفسك وعوديها ع الرضا وعدم الندم ع اي قرار بتتخذيهو وم تخافي من الفشل لا قدر الله افشلي واتعلمي من فشلك دا عشان تتلافي وقوعو ف المستقبل وقبل اي قرار او موضوع استخيري ربنا وخليك عارفة انو القرار الحتتخذيهو هو اللي فيهو خير ليك . ياريت نكون افدناك بالشكل الكافي وجزاك يارب 🌹 #د_مودة_محمد
2019/02/25 00:56
📮 :: رسالة جديدة ... ـ➖➖➖➖➖➖➖➖ السلام عليكم ورحمة الله وبركاته عندي مشكله وتعباني شددييد يااخ ..التردد بكون متردده في اي خطوة اعملا في حياتي بقرر قرار وبجي بغيرو بحاجه ضدها في نفس الدقيقه ممكن حتي الحاجه دي في مجال قرايتي اثرت علي شدديد مع العلم انو انا مستوواي ممتاز شدددييد الحمد لله بس دايما بكون خايفه ومتردده من اجاباتي وقرارتي في حين دايما الحاجه البقولا في سري وبكون مترردة اقولا دايما بتكون هي الصاح فياريت تفيدوني وجزاكم الله خيرا♥️ ـ➖➖➖➖➖➖➖➖ ➥❅❉❥❈♡❆❥☆❆
2019/02/25 00:54
🌸....السلام عليكم ورحمة الله....🌸 ☆التصالح النفسي والوصول لمرحلة السلام الداخلي ... مع الايقاع السريع للحياة وكثرة الضغوط التي نواجهها سواء كانت نفسية او جسدية،والصراعات الداخلية بين النفس والعقل ،والأفكار السلبية التي تحاصرنا من كل الاتجاهات ،والانفعالات وغيرها من الطاقات السلبية التي تشتت السلام الداخلي وتمنع وصولنا لمرحلة التصالح مع النفس ، والتطور التكنولوجى, والحياة العصرية، أصبح القلق والتوتر ملازمين لنا, بصورة جعلتنا، نحلم أن نصل إلى الهدوء والسكينة والاطمئنان الذى كنا نتمتع بهم فى الماضى, وأصبحنا مستعدين لبذل أى جهد لاستعادة الهدوء النفسى والسلام الداخلى وراحة البال. ¤اولا محتاجين نعرف يعني شنو تصالح نفسي وسلام داخلي🤔 ؟ يعني وصول الفرد لمرحلة الراحة والاطمئنان والاتزان الجسدي والعقلي والتسامح مع النفس والغفران والرضا التام عن نفسه وحياته اي كانت مجريات الأحداث😌 . ¤مفهومها شنو؟ تحقيق الفرد الشعور بالرضا عن نفسه وحياته . الثقة التامة بالله والتوكل عليه في مجريات أمور الحياة 💛. تحقيق التوازن بين العقل والقلب ☯. استعادة التناغم بين العقل والجسد 🛐. ¤للتخلص من المشاعر السلبية والقلق 😪😥لابد من وضع أهداف ومحاولة تحقيقها, إلى جانب إتباع خطوات لاستعادة الهدوء والراحة النفسية😊, ومن هذه الخطوات التي تحقق الوصول للتصالح والسلام الداخلي ..: 1/الاسترخاء التام🙂،يعني شنو أعطي نفسك مساحة خاصة بعيدا عن اي مشكلة او رأي او نقاش . 2/العبادات الروحية 🔮'مثل الصلاة والتسبيح وقراءة القرآن والحج والعمرة ،والادعية والاذكار 💖. 3/الرياضة'⛷🏹ما بضرورة تكون شاقة شوف حاجة تكون قادر انك تمارسها ،أبسط شيء اليوغا "تكون في وضعية الجلوس المريح وفرد اليدين مع وضع الأقدام علي الارض واخذ نفس عميق كافي لملأ الرئتين بالهواء وإخراجه ببطء مع ذكر اسم 'الله 'كررها كم مرة 🙇! 4/التحرر من القيود الوهمية الواضعها لنفسك "زي مثلا انا مخاصم فلان وتبدأ في خلق حوار بينك وبين نفسك ف من الأحسن انك تتغاضى عنها😠المسامح كريم 😘! 5/حصر الفكر في الحاضر وبس !الفات مات وكفاية ذكريات سيئة لحد اليوم ،والمستقبل في علم الغيب ليه اشغل بيهو نفسي ردد "رب اختر لي ما تراه خيرا لي ". 6/الابتعاد عن المشاكل والنقاشات التافهة التي لا جدوي منها 🗣. 7/الاستماع لصوت الطبيعة وزقزقة العصافير وصوت أمواج البحر "الخضرة والماء والوجه الحسن "،وفي موسيقي لتهدئة الأعصاب ممكن تسمعها مريحة جدا🎶! 8/النوم 'اخذ قسط كافي من النوم والراحة بكون إيجابي لأنه بيخلق حالة من الهدوء والسكينة "اضبط مواعيد نومك ،م تنوم اكتر ولا اقل اخذ حاجةكافية يقدر جسمك يستفيد منها ويكون نشيط في اليوم الثاني "😴. 9/تنظيم الوقت فيما هو مجدي ومفيد "ما تمسك الجوال طول اليوم غير روتينك ،عشان تقدر تغير مودك📵." 10/ممارسة الهوايات "أيا كانت رسم، سباحة ،كتابة..الخ". 11/ضبط النفس فيما يخص سرعة الغضب والتوتر والانفعالات الضارة بالصحة النفسية والجسدية 🙊. *** #د_نعمة_عمر 🧡
2019/02/24 19:23
سؤال رقم ( 3 ) : ممكن تدينا شرح وافر لي كيفية التصالح النفسي والوصول لحالة السلام النفسي ؟
2019/02/24 19:20
pin message
2019/02/23 23:46
السلام عليكم بنعتذر عن تأخر الرد على رسائلكم أحيانا نسبة لأنو في ضغط كبير في الرسائل البتصلنا بس ح نرد على جميع استشارتكم واسئلتكم في اقرب وقت ان شاء الله . ودمتم في حفظ الله 🌹
2019/02/23 23:42
بنعتذر من انو المعرفات ما قاعدة تظهر معانا يرجى كتابتها بشكل صحيح مسبوقة ب @
2019/02/22 14:20
📮 :: رسالة جديدة ... ـ➖➖➖➖➖➖➖➖ اتمنى تراسلوني على المعرف دا عشان يكون التواصل اسهل ـ➖➖➖➖➖➖➖➖ ➥❆❉❉❀√√❃☆❉
2019/02/22 14:19
pin message
2019/02/22 13:02
المعرف * هو اسم المستخدم الانتو داخلين بيهو تلغرام موجود في الاعدادات .
2019/02/22 12:08
📮 :: رسالة جديدة ... ـ➖➖➖➖➖➖➖➖ المعرف شنو قصدكم ـ➖➖➖➖➖➖➖➖ ➥❈❅❥❀❉❀❈❥√
2019/02/22 12:05
الأخت العزيزة الماوصلها رد على استشارتها ياريت ترجعي تراسلينا وتزودينا بالمعرف بتاعك لأنو في أسئلة بخصوص موضوعك ح تفيدك جدا في اتخاذ قرارك . ونظرا للتفاصيل الموجودة في الاستشارة ما طرحناها هنا لأنو حفظ الخصوصية من اولوياتنا وزي ما وعدناكم استشاراتكم ليها كامل السرية لما تحكو من خلالها تفاصيلكم الشخصية
2019/02/22 10:41
وعليكم السلام والرحمة : تحية طيبة : نحن فقط فريق مهتم بعلم النفس والسلوكيات . فكرة القناة في انو نكون قريبين منكم ونستمع ليكم ونتعرف على مشاكلكم او الصعوبات البتواجهوها او استصعابكم او ترددكم في اتخاذ القرارات في اي جزء من حياتكم ، هي مساحة للفضفضة بنساعدكم من خلالها تكتشفوا ذاتكم وتتخلصوا من كتير من السلبيات الممكن تأثر على نجاحكم او شكل مستقبلكم ، فنحن بنحاول نجد الحلول لكل مشكلة ونختكم في بداية الطريق الصحيح وبعدها انتو حتكملوا مستعينين بتوجيهاتنا ونصائحنا وان شاء الله عما قريب ح نكون على صلة بإختصاصيين نفسانيين اذا كان واجهتنا حالات بتستدعي العلاج النفسي الكامل ح نكون معاها خطوة بخطوة إلى تمام الشفاء . * اي سؤال او استفسار نحن تحت الخدمة ولكم جزيل الشكر 🌹 .
2019/02/22 10:12
صارحني ؛ 🌸: 📮 :: رسالة جديدة ... ـ➖➖➖➖➖➖➖➖ السلام عليكم ـ➖➖➖➖➖➖➖➖ ➥❅❉❅❀❀❀♡❥❈ 📮 :: رسالة جديدة ... ـ➖➖➖➖➖➖➖➖ هل انتوا اطباء ـ➖➖➖➖➖➖➖➖ ➥❅❉❅❀❀❀♡❥❈ 📮 :: رسالة جديدة ... ـ➖➖➖➖➖➖➖➖ او استشاريين نفسيين او كيف ـ➖➖➖➖➖➖➖➖ ➥❅❉❅❀❀❀♡❥❈
2019/02/22 09:53
وعليكم السلام والرحمة كل الشكر ليك 🌹 في البداية لازم نعرف انو في فرق بين الشخصية المصابة بالاضراب الوسواسي وبين الوسواس القهري بالرغم من وجود مظاهر خارجية مشتركة بينهم زي الحاجة الدائمة للترتيب والتنظيم والنظافة . ف الوسواسية هي حالة إضطراب في الشخصية المصاب بيها بكون عندو نمط عام من القلق للكمال والانتظام واهتمام مفرط بالتفاصيل ، ودايما بميل للتحكم العقلي والشخصي وبكون عندو رغبة شديدة وحاجة ملحة للسيطرة على بيئته سواء في البيت او العمل او مكان الدراسة بين اصحابو والناس الحولو من دون ما ينفتح عليهم او يكون عندو مرونة في التعامل معاهم فبحاول يفرض سيطرته على حساب الناس العندهم خبرة وتجارب وكفاءة ، المصاب بالوسواس دايما بكون مدمن على الشغل والترتيب ومرات البخل وامساك المال . و بنلقى كمان انو المصاب بالإضطراب بلقى صعوبة في الاسترخاء وبكون عندو شعور دائم انو الوقت ح ينتهي قبل ما ينجز اعمالو فعشان كدا بنشوفو بيبذل مجهود زايد . #أعراض إضطراب الشخصية الوسواسية : اهم اعراضها الملاحظة انو الشخص المصاب بيها بكون كتير الانشغال بالتذكر والانتباه للتفاصيل والحاجات الدقيقة ، والنظام وانو دايما بيضع جداول زمنية لكل افعالو ولازم حياتو تمشي على نفس الزمن والترتيب دا من دون ما يكون في مرونة . الاهتمام المفرط بالنظافة ودائما المصاب في حالة قلق من الناحية دي . المصاب بكون عندو نوع من الصلابة في العلاقات الشخصية و الاجتماعية وتحيز لرأيو اما صواب واما خطأ من دون ما يكون في منطقة وسط والحاجة دي بتأدي احيانا لزيادة العنف والغضب عند المريض . المصاب بالاضطراب دا بميل إلى الإكتئاب والتشاؤم الحاجة دي بتقود احيانا لي خطورة الوصول للانتحار . #العلاج : العلاج ممكن يكون علاج نفسي ، في جلسات عند الطبيب النفسي المختص ممكن العلاج يكون فردي او جماعي على حسب الحالات وطريقة ربط الطبيب للعلاج . في نوع تاني من العلاج السلوكي المعرفي والعلاج السلوكي أو المعالجة الذاتية في نوع العلاج دا بيناقش المريض الطبيب المعالج وسائل تغيير الدوافع القهرية إلى سلوكيات صحية ومنتجة فكل الافعال القبيل ح تتوجه بصورة كويسة ومسارها الطبيعي عشان سلوكيات المريض تصبح اكتر فعالية ويرجع للوضع الطبيعي . وفي بعض الادوية الطبية البتوصف كعلاج زي الفلوكستين ومثبطات السيروتونين . والعلاج بيساعد المريض في انو يكون اقل تدقيق في التفاصيل ويبعد عنه العصبية والجمود والتصلب في تعاملو والاراء في مواضيع كتيرة في حياتو . #بنتمنى نكون افدناك ولو حاسة انو في تفاصيل سلوكية غريبة او غير طبيعية بتمر معاك ممكن ترجعي تراسلينا .
2019/02/22 09:49
📮 :: رسالة جديدة ... ـ➖➖➖➖➖➖➖➖ السلام عليكم اولا فككرة القناة حلوة شديييد وموفقين يااارب ثانيا انا عاوزة اسال عن الشخصيه الوسواسيه وعلاجهااا ـ➖➖➖➖➖➖➖➖ ➥❃❀❉☆♡√❆❆☆
2019/02/22 09:46
وعليكم السلام ورحمة الله ، ما تتردوا في انكم تطرحوا اي مشكلة بتواجهوها او اي استفسار عن اي حاجة نحن في الخدمة .
2019/02/22 00:52
📮 :: رسالة جديدة ... ـ➖➖➖➖➖➖➖➖ سلام عليكم ـ➖➖➖➖➖➖➖➖ ➥❉√♡❆√☆❈❆❀
2019/02/22 00:50
الأخت الكريمة تحية طيبة : كل مشكلة وليها حل بنقدر نفيدك إن شاء الله ونوريك كيف تتخلصي من كل الحاجات السلبية المؤثرة عليك وعلى علاقاتك بالناس ، وبكدا تقدري ترجعي ثقتك بنفسك وهي الاساس عشان تقدري تثقي في الناس ونخليك فاعلة في اسرتك وتقدري بحكمة وروية تساعديهم على تجاوز اي مشكلة بتمر بيهم وتتجاوزوا الخلافات مع بعضكم . وشوية شوية ح تقدري تتخطي كل المشاكل وتقدري تطوري من نفسك وتكوني شخصية ناجحة ومؤثرة . أرجعي راسلينا بكتابة معرفك الشخصي عشان نعرف منك كل التفاصيل الانتي عايزة تحكيها ونبدأ نحل معاك مشكلتك خطوة بخطوة .
2019/02/22 00:27
📮 :: رسالة جديدة ... ـ➖➖➖➖➖➖➖➖ طيب انا عندي مشاكل كتير في حياتي والحكايه دي مأثره في شخصيتي جدا وكل المشاكل عائليه خلتني أكره حاجات كتير بس مع مرور الزمن حاسه أنه السلبيه الحوليني مأثره مش في شخصيتي في دراستي وفي علاقاتي الاجتماعيه وفي طريقه تفكيري وعدم ثقتي في الناس بقا يضايقني لأنه ظلمت ناس كتير بيه نفسي اتخلص من كل دا ونفسي اطور نفسي واتخطي واصلح علاقاتي واصلح من نفسي واحاول افيد الناس البحبوني بس ما عارفه ابدأ من وين .. اذا بتقدرو تفيدوني وتساعدونني بحكي ليكم اي حاجه بالتفصيل ـ➖➖➖➖➖➖➖➖ ➥❀♡❆❃❆❀❆❆❃
2019/02/22 00:16
شيروا رابط القناة في قروباتكم وقنواتكم وعرفوا أصدقائكم بيها عشان تعم الفائدة ولكم جزيل الشكر . https://t.me/mostsharkalnfsi
2019/02/22 00:03
pin message
2019/02/21 23:59
أسعد الله اوقاتك : في كتير من العلاقات لما نكون بنحب لينا شخص وعندنا ليهو مشاعر حلوة وهو ما عارف ونحن ما صارحناهو بسبب اننا بنكون خايفين جدا من حتة رفضو لينا وانو ما يكون ببادلنا نفس الشعور وما يتقبلنا في حياتو ، بنقول انو الخوف من حتة الرفض دي حاجة طبيعية جدا بس طالما انك ما بادرت واعترفت ليهو بحقيقة مشاعرك وعشان تعرف هل هو ببادلك نفس الشعور او لا او حتى تديهو فرصة او مجال يفكر في الموضوع لانو ح يكون من حقو يعرفك . ف انت محتاج تستجمع شجاعتك وتمشي تسألو عديل لانو لو ما سألتو كدا انت بتعذب في نفسك وح يفضل حبك من طرف واحد . فيا اما بعد تقول كل الجواك اتقبلت مشاعرك وحبك يا اما لا ، على الأقل انك تكون على بينة من أمرك وبنقول دايما ما معنى انو الشخص البنحبو ما حبانا معناها اننا ما بنتحب ، بالعكس لو ما كان عندنا نصيب مع الزول البنحبو فحنلاقي زول يحبنا اكتر من حبنا للزول الحبيناهو وينسينا ليهو وبحبو لينا حنحبو نحن كمان اكتر من الزول الحبيناهو . فعشان كدا ما عندك حل غير المواجهة والسؤال مباشرة بكدا ح تعرف كل شيء . وأرجع راسلنا تاني وطمنا عنك وان شاء الله نسمع كل خير .
2019/02/21 23:47
📮 :: رسالة جديدة ... ـ➖➖➖➖➖➖➖➖ لو عندي زول بحبو وما عارف انو بتبادلني نفس الشعور ولا حترفضني اسوي شنو؟ ـ➖➖➖➖➖➖➖➖ ➥❆❉❉❀√√❃☆❉
2019/02/21 23:45
بنصحك بكتاب مفيد جدا فيهو واحدة من طرق اليوغا المتقدمة البتساعد على الاسترخاء والتقليل من القلق ( stress ) وبتساعد كمان في ترتيبك داخليا من ناحية نفسية وعصبية والحاجة دي بتتعكس على سلوكك الخارجي ونشاطك وانجاز اعمالك بكل كفاءة لو كنت طالبة او عاملة . إسم الكتاب #التأمل_العميق للكاتب يوغاني .
2019/02/21 23:14
الأخت العزيزة تحية طيبة : الأوفر ثينكينغ ( Over thinking) : هو حالة من كثرة التفكير وإلحاح الأفكار على دماغك باستمرار مع شعور بالتوتر، سواء كانت الأفكار عبارة عن لوم نفسك عن الأخطاء التى ارتكبتيها من قبل فى الماضي أو شعور بالخوف من المستقبل أو إلحاح أفكار سلبية فى الدماغ . طيب مخاطر الإفراط في التفكير شنو؟ كثرة التفكير في الأمور ليس مجرد مصدر للإزعاج؛ ولكن يمكن أن يحدث ضررًا كبيرًا على حياتك، لأن التفكير فى العيوب والأخطاء والمشاكل يزيد من مشاكلك النفسية، وهو ما يؤدي إلى حلقة مفرغة من الإحباط. وتظهر الدراسات أن الإفراط في التفكير يؤدي إلى أزمة نفسية خطيرة، تسبب الاتجاه إلى طرق أخرى للهروب من المشكلة مثل: كثرة تناول الطعام أو اللجوء للمخدرات والكحول. - الأعراض؟ منها انو من المرجح أنك لا تستطيع النوم بشكل جيد، وتؤكد الدراسات ذلك أن كثرة التفكير تؤدي إلى ساعات أقل وكذلك قلة جودة النوم والصداع وفقدان الشهية احيانا وعدم الرغبة في فعل اي شيء وشرود الذهن والعصبية المفرطة في بعض الاحيان لاتفه الأسباب . كيفية التوقف عن التفكير المفرط : دي حاجات ممكن تساعدك في انو حالة الأوفر ثينكينغ تقل بصورة ملحوظة إلى ان تتوقفي عنها تماما 1- الوعي أول خطوة لعلاج كثرة التفكير يجب أن تدرك طريقة تفكيرك، وتضع حداً لأفكارك، فعندما تلاحظ نفسك تعيد عرض الأحداث في ذهنك مرارًا وتكرارًا، أو تقلق بشأن أشياء لا يمكنك التحكم فيها . طوالي في الحالة دي يجب عليك التوقف واشغال نفسك بأي شيء يبعد عنك الافكار دي في لحظتها . 2- تحدي أفكارك السلبية من السهل الابتعاد عن الأفكار السلبية واستبدالها بأفكار إيجابية، فلا تركز على كل الأشياء السلبية التى يمكن أن تحدث وتصور الأشياء التى تسير بشكل صحيح ، كلما جات في بالك فكرة سلبية او احباط على طول تطرديهو وتفكري في الحاجات الايجابية الممكن تحصل ليك 3- التركيز على حل المشكلات اسأل نفسك عن الخطوات التي يمكنك اتخاذها للتعلم من خطأ أو تجنب مشكلة مستقبلية، بدلاً من السؤال عن سبب حدوث شيء ما ، اسأل نفسك ما يمكنك فعله حيال ذلك. لما تواجهك مشكلة ما تحاولي تتجنبيها لانو بالطريقة دي ح تتضخم في رأسك فلابد انك تحاولي تحلي المشكلة البتحصل ليك اول بي اول وكدا ح تريحي دماغك وما ح تعريضيهو لأي تفكير زايد 4- خصص وقتاً للتفكير يومياً حددي 20 دقيقة من وقتك يومياً للتفكير، وخلال هذا الوقت، اسمح لنفسك بالقلق أو التفكير في كل ما تريد وعندما تلاحظ نفسك أنك تفكر في الأشياء خارج وقتك المحدد أبحث عن نشاطاً أخر تقوم به. يعني بعد ال 20 دقيقة ما تحاولي تفكري في شيء وخليها بمثابة التخلص من النفايات 5- أشغل نفسك يمكنك أن تشغل نفسك فى أشياء أخرى بدلاً من التفكير مثل: ممارسة الرياضة، ممارسة هواية تحبها. انا بنصح دايما بالكتابة لانها بتخلص الزول من طاقات سلبية كتيرة وكمان المشي وبرضو ممكن تدخلي المطبخ وتتعملي وصفات جديدة دي كلها حاجات بتخليك تتخلصي من التفكير الزايد 6- غير وجهة نظرك عن الخوف إذا كنت خائفاً لأنك فشلت فى الماضي، تذكر أنه ليس لمجرد أن الأمور لم تكن ناجحة قبل ذلك أنه يجب أن تكون النتيجة في كل مرة، كل فرصة هي بداية جديدة ... عشان كدا دايما بنقول انه الفشل هو بداية طريق النجاح عشان ما نقيف عندو كتير 7- أدرك أنك لا تستطيع التنبؤ بالمستقبل إذا كنت تقضي اللحظة الحالية تقلق بشأن المستقبل، فأنت تسرق نفسك من وقتك الحالي . دايما المستقبل بجينا من الحاضر فنحن نركز على الحاجات البنعملها اسي والبتساعدنا بعدين في تكوين مستقبل كويس .
2019/02/21 23:07
📮 :: رسالة جديدة ... ـ➖➖➖➖➖➖➖➖ عايزة اسال عن اعراض ال overthinking ـ➖➖➖➖➖➖➖➖ ➥❉√♡❆√☆❈❆❀
2019/02/21 23:06
كل الود 🌹
2019/02/21 21:58
📮 :: رسالة جديدة ... ـ➖➖➖➖➖➖➖➖ فكرة القناة جميلة بمعنى الكلمة رغم انو هي لسه في بدايتا ♥️ بتمنى ليكم كل التوفيق وربنا يسهل ليكم وتكونو سبب في إسعاااد الناس♥️♥️ ـ➖➖➖➖➖➖➖➖ ➥❈❈√❃❃❆❆√☆
2019/02/21 21:58
تنويه : السلام عليكم : الإخوة والأخوات الأعزاء تحية طيبة بالنسبة للرسائل البتصلنا على رابط الصراحة ياريت تكتبوا في نهاية الرسالة معرفكم الشخصي عشان نقدر نتواصل معاكم للناس العندهم خصوصية كبيرة وتفاصيل كتيرة للمشكلة البتواجههم عشان تكونوا على تواصل مباشر مع المستشار النفسي والعاطفي ويكون معاكم لحدي ما تتحل جميع مشاكلكم بعون الله في أقرب وقت ونطلع منها نصائح تفيد الجميع هنا وتكون كمرجعية ليهم ، أما المشكلات والأسئلة العامة فبيتم اعادة توجهيها هنا مرفقة بالحلول والنصائح إن شاء الله . كل الود 🌹
2019/02/21 21:51
channel create
2019/02/21 17:28
1